Ioane 14:21 - Iaai Bible 1901 (New Caledonia)

²¹ Haba at ae hu gan anyik je hnanyibu, kʼ ame vheno e, me wale bi e at ame hnyok könya: haba at ame hnyok könya, me ame he Cica ka hnyok kâu, ke oge me he bi nya ka hnyok kâu, ke oge me he minya ka omanenö nya kâu.

Ioane 14:21 ပူးပေါင်းရင်းမြစ်များ

II. Je Than 18:6

Anyin a e ame kece hmâ kö Iehova, kʼ ame ca saû but gan, ke e ame tuö anyin ta je hnanyibu, waleji a hûna Iehova kö Mose.

Salamo 35:27

E so e hongot senyin me hobâ tavat adre me senyin ge hwakecik ae wisa: E ke, e so adre me ha bala bi, ka habe, Oganö Iehova thö, Wale at ame senyinâ hnahic anyin athnyabainy.

Esodo 33:18

Me haingen, ka habe, U na he ju ka omanenâ könya ânyâm hmanenang.

Ta je Vejec 8:17

Inya oge me betenge gadra adre me hnyok könya; Kʼ adre me he ka ō nya tavat adre me elâm hwegiö nya.

Jeremia 31:31

Haingö Iehova, ka habe, Wâ bi, ame he ka o je bong me oge me he ka ânyâ ûhihinyköu a teb ûnyi me lap anyi Isaraela, me lap anyi Juda:

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Luka 11:28

Ke e ame ha, ka habe, E beönua bi hnahic hnen tavat adre me long hofuc hwan Khong me vheno e.

Ioane 14:15

Öbun e ne hnyok könya, öbun e he ka vheno anyik ta je hnanyibu.

Ioane 14:18

Oge me ca he ka hnʼ öbun helâ me je nakahme; ke oge me he ka o köbun.

Ioane 15:14

Öbun e ne he ka ânyâ ta je ûnyi oge hûna köbun, je lahanök öbun.

Ioane 16:14

E ame he ka oganö nya: anyin a e ame he ka hom but ûnyi gak me omanenâ köbun.

Ioane 16:27

anyin a Kamen ame betenge gabun, can öbun e hnyok könya, ke can öbun e kap a oge me o ûnyi ge Kamen.

Ioane 17:23

inya eû hnyi hnyidra, ke u eû hnyi hnyik, me adre me he ka khaca thibi hmonyin bi: me me he hmeledrany ka wâhmakhmetoâ a u je kunö nya, me u je hnyok kodra, helâji me hnâm hna hnyok könya.

Ta je huliwa 22:18

me wâ e wale at ame ha könya, ka habe, Logotö, ie he but ûhem Jerusalema: anyin adre me ca he ka kap hna ohnathu nya gam.

II. Korinito 12:8

Ke iny okun khöû ka Than ge ûnyi eling, me me he ka ohia but gak.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Deuteronomi 11:13

Ke öbun e ne he ka ti löng hoton anyik je hnanyibu oge me hûna köbun hnyi bong ang, he ka hnyok kö Iehova Khongubun, me bi athnyabainy ge je hnyekubun ae bekhöt, me hanubun ae bekhöt,

Deuteronomi 7:13

me e ame he ka hnyok köu, me ohnahici u, me osehiö u: kʼ ame he minya ka ohnahicâ je wan hnyekom, me wan kânâm kânâ, wale ânyâm hwit, me ânyâm waina, me ânyâm wakaco, me lakon halem je kau, me je hnahat halem je mamoe, hnyi hnyei e ame khemanyin ka lakâmâm he ka ham köu.

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

II. Timoteo 4:22

E so e unyin hanom Than. E so e unyibun ibetengiö baû.

I. Ioane 2:5

ke haba at ame löng hoton hwan hofuc, me hnathu adre hia but obekhotâ eû hnyin at e hnyok ka Khong. Waleling me me khanʼ öta a öta but eû hnyi hnyekon:

I. Ioane 3:1

WA bi ûganiny ibetengiö waleji a ham köta Kamen, mʼ adre me he ka haʼ öta me je lakon Khong: ke öta e. Waleling me me ca khanʼ öta hnen hmeledrany, anyin ae ca khanʼ ödra e bi.

I. Ioane 5:3

Haba hnyok ka Khong, me wale thibi ang, a gʼ ate me löng hoton anyin ta je hnanyibu: e ca hmak anyin ta je hnanyibu.

II. Ioane 1:6

Ke walang ibetengiö, ka habe, ate me he ka hnu hoton anyin ta je hnanyibu. Walang hnanyibu öbun e löng ûnyi hnyi can, mʼ öbun e he ka vheno e.

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.

Hna Omanenâ 22:14

Hnahic hnen tavat adre me hneû anyidra ta je ûkhaû, me me ûcû kodra he ka he ka hnyi ûöiny möt, me he ka dit ka hnyi je homagöuleiny taun.

Hna Omanenâ 3:20

Wâ bi, inya oge me tot hnyi hwanuma me seseto: e ka hu at ame löng ifucik me khong ut hwanuma, me oge me he ka didro kâu, me tha han mē, ke tha e mönya.