Ioane 14:2 - Iaai Bible 1901 (New Caledonia)

² E se hia ta je hnyeule hnyi uma umo Cica; a ne ba mʼ oge hia but ha köbun; anyin oge me he but he ka ânyâwia hnobun.

Ioane 14:2 ပူးပေါင်းရင်းမြစ်များ

Luka 14:22

Ke haba athnyaba me ha, ka habe, Than lö, adre hia but ânyâ helâ me hnâm hna hûna, ke tiga hu hna lap.

Ioane 13:33

Lakuk lö, e ca beû biju ûök unyibun. Öbun e he ka elöm nya: ke haba hnok hna ha ka at Juda, me oge me ha minya walang ang köbun, ka habe, E ca khanʼ öbun he ka he ka hnyi dok oge me he ka hnyin.

Ioane 13:36

Haba Simona Peteru ame ha kâu, ka habe, Taböny Than, u me he kâ? Iesu ame thu, ka habe, E ca khanö u walang ang he ka he hotuk ka hnyi dok oge me he ka hnyin; ke u me he ka he hotuk nyiele.

Ioane 14:28

Öbun e hia but long hnok hna ha köbun, ka habe, Oge me, he but, ke oge me he ka hmetu köbun. Öbun e ne hnyok könya, öbun e he ka senyin anyin oge me he ka Kamen: anyin ae gan hmâ Kamen huk.

Ioane 16:4

Ke oge hia but ha ta je hofuc e köbun hobi kâu e ka o but ûen, öbun e he ka ûnykûme hnok hna ha ta je ûnyi e köbun. Ke oge me ca ha köbun ta je ûnyi e ûnyi hnyi can, anyin a tha inya möbun.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ta je huliwa 9:16

anyin oge me he ka omanenâ kâu ûganiny vec e ame he ka hom can iök.

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

I. Thesalonika 5:9

Anyin a haba Khong ame ca ip öta hobi kâu hmönyin, ke so bi he ka hu möt köta ûnyi ge Tuhöta Iesu Keriso,

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 11:10

anyin a e ame halubahingen taun ae hu taben, ke haba at a otilâ me huliwan, me, Khong.

Heberu 13:14

Anyin ae ba anyita taun ae tet hmâ eang, ke ate me elâm ke taun ame he ka manen dut nyiele.

Heberu 6:20

waleji ame didro kâu Iesu at a bân hobi köta, anyin adre me wia e me me at bihut ae nua nyiele balua helâ me bongu Melekisedek.

Heberu 9:8

ke haba Hanu Kap ame omanenâ ûnyi eang a ödra tiga ca omanenâ gethen ka hnyi dok ae kap waleji kʼ ame tiga tot uma menâ a bân;

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 21:2

Ke inya oge me wâ taun ae kap, Jerusalema a teb ûnyi, ame utut ûheny hnyi drany ûnyi ge Khong, adre penapena helâ me hlu ame he ka faipoipo, adre theibâ e hobi kâu âiân.

Hna Omanenâ 3:12

Haba at ame ton, oge me he ka wia me hnân hmolominy uma kap umen Khonguk, ke e ame ca he hmetu ka didrut: ke oge me he ka sihnalimen hnyi hon at eling ien Khonguk, me ien taun anyin Khonguk, wale Jerusalema a teb ûnyi, ame utut ûnyi hnyi drany ûnyi ge Khonguk, me iök minya a teb ûnyi.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.