Ioane 14:13 - Iaai Bible 1901 (New Caledonia)

¹³ Ke haba ta je ûnyi hia thithö öbun e he ka sumâtâ hnyi iök, me oge me he ka ânyâ me me he ka ogânâ Kamen hnen Nokon.

Ioane 14:13 ပူးပေါင်းရင်းမြစ်များ

Mataio 21:22

Ke haba ta je ûnyi hia thithö öbun e he ka sumâtâ hnyi hic, öbun ka labageju, me öbun e he ka hu.

Mataio 7:7

Sumâtâ thö, mʼ adre me he ka ham köbun; elâm dö, me öbun e he ka wâ thö; seseto thö, mʼ adre me he ka khong ut köbun:

Mareko 11:24

Anyin a wale, inya oge me ha köbun, ka habe, Haba ta je ûnyi hia öbun e he ka sumâtâ hnyi hic, labagejon ju a öbun e he ka kap, mʼ öbun e he ka kap dö.

Luka 11:9

Ke haba inya oge me ha köbun, ka habe, Sumâtâ thö, me adre me he ka ham köbun; elâm dö, me öbun e he ka wâ; seseto thö, mʼ adre me he ka khong ut köbun.

Ioane 10:30

Haba inya me Kamen, me ohmu khaca thibi.

Ioane 12:44

Ame ha hwegiâ Iesu, ka habe, Haba at ame labageju könya, me ame ca labageju bi könya, ke kâu minya bi at a kunö nya.

Ioane 13:31

E ame didrut, kʼ ame ha Iesu, ka habe, Adre me ogânâ walang ang Nokon at, ke adre me ogânâ Khong ûnyi gan;

Ioane 14:14

Öbun e ne he ka sumâtâ ke ûnyi hnyi iök, oge me he bi nya ka ânyâ.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 15:7

Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

Ioane 16:23

Ke ba ûnyi öbun e he ka hnö gak hnyi bong eling. E hnathu, e hnathu, inya oge me ha köbun. Haba ta je ûnyi hia öbun e he ka sumâtâ ge Kamen, me e ame he ka ham köbun ûnyi hnyi iök.

Ioane 16:26

Hnyi bong eling öbun e he ka sumat hnyi iök: ke oge me ca ha köbun a oge me he ka hic ka Kamen hnân hobi köbun;

Ioane 16:7

Ke so bi, inya oge me ha köbun hnathu, ka habe, E so hnân hobi köbun iny ka he but; anyin a oge ne ca he, me ame ca he ka o köbun Ûhadruo; ke oge ne he but me oge me he ka kunâ e köbun.

Ioane 4:10

Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ioane 5:19

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.

Ioane 7:37

Hnyi bong a biliny bonginy bijeû, wale bong ae gan, Iesu ame todrö me ha hwegiâ, ka habe, A ne ke at ae beic, he but jem ka ic unyik.

I. Korinito 14:13

Anyin a wale haba at ame ha hwen ke hnyei, sumâtâ thö me me he ka wia.

Efeso 2:18

ke hu but gata hia ûnyi gan gethen ka Kamen ûnyi ge Hanu a khaca.

Efeso 3:12

e hu but gata ûnyi gan tang hwege me gethen he ka didro, me gejon ûnyi ge labageju kâu.

Efeso 3:14

Anyin a wale inya oge me cibouca ka Kamen,

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

Kolose 3:17

Ke haba ta je ûnyi hia öbun e ânyâ hnyi hofuc me huliwa, me ânyâ hia thö hnyi ien Than Iesu, ke oleâ ka Khong a Kamen deny e.

Heberu 13:15

Anyin a wale e so ate me hudo bala hudiny ogânâ Khong a deny e, wale wan ta je esongodita ame hâiâ ien.

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

Iakobo 5:16

Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Ioane 3:22

ke haba ûnyi ate me sumâtâ me ate me hu but gan, anyin ate me löng hoton anyin hnanyibu, me ânyâ ta je ûnyi ae so hnyi hnyimakan.

I. Ioane 5:14

Ke walang hnyok ae hwege ate me hu kâu, a öta ka he ka sumâtâ ke ûnyi helâ me weny, me ame ling öta: