Ioane 14:12 - Iaai Bible 1901 (New Caledonia)

¹² E hnathu, e hnathu, inya oge me ha köbun, Haba at ame labageju könya, me e ame he ka ânyâ minya ta je huliwa oge mâdrâ; ke ame he ka ânyâ ta je huliwa ae gan hon e; anyin a inya oge me he ka Kamen.

Ioane 14:12 ပူးပေါင်းရင်းမြစ်များ

Mataio 21:21

Haba Iesu ame thu me ha ködrin, ka habe, E hnathu inya oge me ha köbun, öbun e ne hu labageju, me ca lolo bi hnyok, öbun e ca he ka hake ânyâ thibi hna ânyâ ka imeta, ke öbun e ne he ka ha ka bucen ang, ka habe, Bethe ok ut me ta but eû hnyi köiö, me ame he ka hwâdâ.

Mareko 11:13

Ke e ame wâ imeta hnyi dok ae sâkâu ae hu lan, me e ame o but he ka wâ ame ne hu wan: e ame o but ka hnyin, me ame wâ a je lan thibi; anyin a ca ûen bi wa a meta.

Mareko 16:17

Ke walang je haten ame he ka tha he me tavat labageju: adre me he ka obâ ta je demoni ge iök; adre me he ka fuc hnyi ke je hwen;

Ioane 14:28

Öbun e hia but long hnok hna ha köbun, ka habe, Oge me, he but, ke oge me he ka hmetu köbun. Öbun e ne hnyok könya, öbun e he ka senyin anyin oge me he ka Kamen: anyin ae gan hmâ Kamen huk.

Ioane 16:7

Ke so bi, inya oge me ha köbun hnathu, ka habe, E so hnân hobi köbun iny ka he but; anyin a oge ne ca he, me ame ca he ka o köbun Ûhadruo; ke oge ne he but me oge me he ka kunâ e köbun.

Ioane 4:37

Waleling me me hnathu hna ha, ka habe, Ame tā hnen keʼat, kʼ ame hiny bi hnen ke at.

Ioane 5:20

Anyin a kamen ame hnyokâ Nokon, me omanenâ kâu ta je ûnyi hia e ame ânyâ: ke e ame he ka omanenâ kâu ta je huliwa ae gan hon e, mʼ öbun e he ka lâiâ.

Ioane 7:33

Haba Iesu ame ha, ka habe, E ca beû biju ûök a ûlabaik eang unyibun, ke oge me he ka he but ka at a kunö nya.

Ioane 7:39

Ke e ame ha ge Hanu, wale ame he tavat adre me labageju kâu he ka kap: anyin adre me tiga ca ham Hanu; anyin adre me tiga ca ogânö Iesu.

Ta je huliwa 10:46

Anyin adre me ling ödrin ödrin e fuc hnyi ta je hwen hnyei me ogânâ Khong.

Ta je huliwa 16:18

Ke se hia je bong e ame ânyâ e. Me ame hmak hnyekon Paulo, me e ame hwio me ha ka hanu, ka habe, Inya oge me ha köu hnyi iö Iesu Keriso he ka didrut ûhem hnyi hnyin. Me e ame didrut hnyi awa eling.

Ta je huliwa 19:12

wale mʼ adre me hom but ûnyi hnyi unyin ka ta je komok je hageca me ecmano, me ame hia but je mok gadra, me didrut ta je hanu ae kong ûnyi hnyi je hnyekudra.

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

Ta je huliwa 2:41

Ke adre me bapataisoâ tavat adre me kap hwan: me adre me bihanen kodra hnyi bong eling helâ me theri thauzan tavat

Ta je huliwa 4:16

haingödrin ka habe, Ieû ate me he ka ânyâ ka li at e? anyin a manen dut ka tavat hia adre me laba hnyi Jerusalema a Ödru me hia but ânyâ hing ûöman; ke ca khanʼ öta he ka ivinoâ e.

Ta je huliwa 4:33

Haba je aposetolo ödrin e ohnathoâ ge man ae gan hmâ möt hmetu thö a Than Iesu; ke e but hnyi hudrin hia ibetengiö baû ae gan hmâ.

Ta je huliwa 4:4

Ke ame labageju but tavat ae se hia adre me long hofuc; ke haba ûseiny obaga, me helâ me faiv thauzan.

Ta je huliwa 5:15

waleling mʼ adre me hom ta je komok ka hnyi je getheniny taun, me ip ödrin hon je hna mokut me je tap, me me na omi hnedrong keihen ge hmenu Peteru, e ka he.

Ta je huliwa 6:7

Ke ame khulelau hofuc hwan Khong, ke ti se hia tavat adre me long hnyi Jerusalema; ke se hia minya tavat bihut adre me hnyi labageju.

Ta je huliwa 8:7

Anyin a ta je hanu ae kong adre me didrut ge tavat ae se hia ae hu gadra, adre me fuc hwege goranyai; ke se hia tavat ae mat, me tavat ae kong je cadra, adre so but.

Ta je huliwa 9:34

Haba Peteru ame ha kâu, ka habe, Ainea lö, haba Iesu Keriso ame osoi u: todrö, me ânyâwia hnâm hna mokut. Me e ame ie todrö.

Ta je huliwa 9:40

Ke haba Peteru ame obʼ ödrin dut hnyou ai, kʼ ame cibouca me hic; ke e ame hwio thö ka komok, me ha, ka habe, Tabitha lö, todrö. Me ame bwela but li emakan momo; ke e ame ō Peteru, me e ame laba thö.

Roma 15:19

hnen maniny ta je haten me ûöman, me man maniny Hanu Kap; wale a hwân hnyi Jerusalema igigilo ke ne o but hnyi Iluriko oge me khetâ ûthumetu ae so anyin Keriso;