Ioane 13:8 - Iaai Bible 1901 (New Caledonia)

⁸ Haingö Peteru kâu, ka habe, U me ca he bala ka hneû li cak. Iesu ame thu kâu, ka habe, Oge ne ca osûö u, me ba jekhom unyik.

Ioane 13:8 ပူးပေါင်းရင်းမြစ်များ

Genese 42:38

Ke e ame ha, ka habe, Ame ca he nökuk ka tha he möbun; anyin a mokcu keiny, ke hake biju e: ke a ne o but kong kâu eû hnyi gethen öbun e he, me öbun e he ka otengiö nya kʼ iny hûen dut ke ne o but ka hnyi erkemok.

II. Samuela 20:1

KE e hu eling ke at Belial, Seba ien, nöku Bikeri, at Beniamina: ke e ame tûâ trutru, me ha, ka habe, E ba ke keihöhmun unyi Davita, ka ba jekhöûhmun unyin laku Jese: vese but ka hnyi umöbun je uma mano, Isaraela lö.

I. Je Than 12:16

Ke a wâ but Isaraela hia a gʼ ame ca long ködrin than, haba tavat adre me thu ka than me ha, ka habe, Ewa ke keihöhmun unyi Davita? ke ba jekhöûhmun unyin laku Jese: at Isaraela lö, vese thʼ öbun ka hnyi umöbun je uma mano: Davita lö, hamâm he ka tuö ânyâm lap. Me Isaraela ame vese but ka hnyi umödrin je uma mano.

Salamo 51:2

Ti ösûö nya but ûnyi hnyi anyik monu, Me ânyâwiö nya thö ûnyi hnyi anyik hulo.

Salamo 51:7

U me he ka ânyâwiö nya ge hisop, me inye he ka kalaöt ut: Ösûö nya ju, me inye he ka hau but hon kiona.

Isaia 4:4

e ka hia but Than hneû ikikiny wahluiny Ziona, me kot degecâ dren Jerusalema ûnyi hnyi wanben e hnen homenâiny owisa, me homenâiny kahwa.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Mataio 16:22

Haba Peteru ame hom e, me hwân he ka thawâ, haingen, ka habe, Ekölö gam Than; adre me ca he bala ka ânyâ helâe köu.

Mataio 21:29

Ke haingen, ka habe, Iny höcö: ke hwaban e, e ame ietra me he.

Mataio 26:33

Haba Peteru ame thu kâu me ha, ka habe, Ödrin e ne he ka thö hia thö gam, me oge me ca he bi nya ka munyi thö thö.

Mataio 26:35

Haba Peteru ame ha kâu, ka habe, Eja ke ne oge ne he ka tha mok möu, oge me ca he bi nya ka ivinö u. Helâe minya hwan laten hia.

Ioane 13:6

Me e ame he but kö Simona Peteru. Me e ame ha, ka kabe, Than lö, u me he bi ka hneû li cak?

Ioane 13:9

Haba Simona Peteru ame ha kâu, ka habe, Than lö, ca hake li cak thibi, ke so minya li hnyamok me bök minya.

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Ta je huliwa 22:16

Ke walang ang ieû gam u me bec? todrö, me adre me bapataisoi u, me hneû degecâ ânyâm ta je hulo, me hawâ thö ien.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

Efeso 5:26

me me he ka okâbâ, me ânyâwia ge hna hneû hnyi köiö hnen hofuc,

Deuteronomi 12:12

ke öbun e he ka senyin hnyi hnyimakö Iehova Khongubun, öbun, me lakubun obaga, me lakubun wahlu, me lathnyabaibun obaga me omomo, me at Levi hnyi anyibun je lap, anyin ae ba hwajekhon, ke ba iny bi unyibun.

Kolose 2:18

Ca he ke at ka ovhelâ hwaböbunhnen beöûhnyûkongi öbun, me hic ka ta je angela, ame nâ ta je hna omanenâ kâu bi, ame ohobâ bâûâ hnen ûnykûmenen unyin,

Kolose 2:23

Haba ta je ûnyi e, ame beometâ thoiâ hnyi hmi baû, me he ka hnyikânâ, me ovecâ unyin bi; ke ca ûnyi hnathu bi hnân hom ûhnyûkongoâ unyin.

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.