Ioane 13:5 - Iaai Bible 1901 (New Caledonia)

⁵ Ke e ame hingâlâ köiö ka hnyi kaia, me hwân he ka hneû je li can laten, me köt ge ecmano ame weikâ.

Ioane 13:5 ပူးပေါင်းရင်းမြစ်များ

Genese 18:4

e so adre me sâû utköiö, me ösûâ thö je cabun, ke me menâ ju hmelen ûö:

Genese 19:2

ke e ame ha, ka habe, Li than lo, wâ bi, saû ju ka hnyi hnyaban athnyabaibu, me mokut me ösûâ li cabu, ke öbu me he ka vesâ me vheno debu. Ke haingödru, ka habe, Ohe, öbmu me he ka mokut hnyi gethen eâu hnyinghet.

Genese 43:24

Ke haba at ame hom je hnyat ka hnyi uma umo Josefa, me ham ködrin utköiö mʼ ödrin e hneû je li cadrin; kʼ ame han haledrin je asina.

II. Je Than 3:11

Haba Jehosafata ame ha, ka habe, Hawa, e ba perofeta anyi Iehova eang, mʼ otin e he ka hnei Iehova a deny? Me ame thu ke athnyabainy than Isaraela, ka habe, Waleû Elisaia nöku Safata, at ame hingölö köien li hnyamö Elia.

Salamo 51:2

Ti ösûö nya but ûnyi hnyi anyik monu, Me ânyâwiö nya thö ûnyi hnyi anyik hulo.

Esodo 29:4

Ke haba Arona me je lakon u me he ka hum ödrin ka hnyi hwanumen uma hnân ûkhaeaköu, ke u me he ka osûʼ ödrin ge köiö.

Isaia 1:16

Soû but, okalaöti öbun; degec ut anyibun ta je huliwa ae kong hnyi hnyimakök; soju hna mâdrâ hulo:

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Levitiko 14:8

Ke hamen at adre he ka obosoâ he ka hneû anyin je ûkhaû, me giâ leûnen hia, me osûâ ge köiö, me me bo so but: ke hwaban e, e ame he ka he ka hnyi hnyaba, kʼ ame he ka laba hoton umen uma mano hnyi je bong a seven.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Luka 7:38

kʼ ame tot hoton hnyi li can me tenge, me hwân he ka okhubetâ li can ge deköien li emakan, me kot ge leûnen ban, me cem li can, me hû ge muro.

Luka 7:44

Ke e ame hwio thö ka momo me ha kö Simona, ka habe, U je wâ but momo ang? oge dit ka hnyi umâm uma, ke u je ca bi utköiö hobi kâu li cak: ke a hia but momo okhubetâ li cak ge deköien, me kot ge leûnen ban.

Ioane 13:10

Iesu ame ha kâu, ka habe, Haba at adre me osûâ, me ûcû he ka hneû li can thibi, me ame he ka tha kalaöt hia but: öbun e kalaöt ut ke ca öbun hia bi.

Ioane 13:6

Me e ame he but kö Simona Peteru. Me e ame ha, ka kabe, Than lö, u me he bi ka hneû li cak?

Ioane 13:8

Haingö Peteru kâu, ka habe, U me ca he bala ka hneû li cak. Iesu ame thu kâu, ka habe, Oge ne ca osûö u, me ba jekhom unyik.

Ioane 19:34

ke haba ke soja ame dâ vhaken ge ö, me ame ie hingölö but dra me köiö.

Ta je huliwa 22:16

Ke walang ang ieû gam u me bec? todrö, me adre me bapataisoi u, me hneû degecâ ânyâm ta je hulo, me hawâ thö ien.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

Efeso 5:26

me me he ka okâbâ, me ânyâwia ge hna hneû hnyi köiö hnen hofuc,

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 5:6

E thibi at eji ame o hnyi köiö me dra, Iesu Keriso; ca hake hnyi köiö, ke köiö me dra.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.

Owisa 19:21

Ke e ame hom e ka hnyi umen uma, me bân li asina: ke ödrin e hneû je li cadrin, me han, me ic.

I. Samuela 25:41

Me e ame tot me nom hnyikânâi, me ha, ka habe, Walö nya ang athnyabaem he ka bi athnyaba me hneû je can lathnyabainy tuhok.