Ioane 13:34 - Iaai Bible 1901 (New Caledonia)

³⁴ Inya oge me ham köbun hnanyibu a teb ûnyi, a öbun e he ka ibetengiököu; oge hia but betenge köbun, e so öbun e be ka helâe wale he ka ibetengiököu öbun.

Ioane 13:34 ပူးပေါင်းရင်းမြစ်များ

Salamo 119:63

Iny liamewaeny mödra hia thithö adre me outö u, Me tavat adre me tuö ânyâm ta je hnanyibu.

Salamo 16:3

Ke haba tavat ae kap eang hmeledrany, Ödra tavat ae beönua soidra, wale oge me ti senyin kodra.

Levitiko 19:18

Ca he ka oûcoâ hulö, me ip hnân ka aten em hnyei, ke u me he ka betenge ka at ame laba hakekenyi u helâ me u bi: Inya Iehova.

Levitiko 19:34

Ame he aten ke hnyei ka laba unyibun helâ me aten ibun hnyei, ke u me he ka betenge gan helâ me u bi; anyin a je atkanyua öbun hnyi hnyei Aigupito: Inya Iehova Khongubun.

Mataio 5:44

ke oge me ha bi nya köbun, ka habe, Betenge ju ge je iwahnaihmiony möbun, ke hic ju hobi kâu tavat adre me oveci öbun;

Ioane 15:17

Oge me hûna köbun ta je ûnyi e, mʼ öbun e he ka ibetengiököu.

Ioane 17:21

mʼ adre me be bi hia thithö ka khaca thibi; helâ me u Cica eû hnyi hnyik, ke inya minya bi eû hnyi hnyâm, me me tha ödra mʼ ötu: me me labageju hmeledrany a u je kunö nya.

Roma 12:10

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at;

Roma 13:10

Haba ibetengiö, ca at ame okongoâ at ae hakekeny: anyin a wale haba ibetengiö wale at ame ohwâdâ hnanyibu.

Roma 13:8

Ca hom bah ûnyi anyin ke at, ke so bi he ka ibetengiököu: anyin ame ohwâdâ hnanyibu at ame betenge ka ke at.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Galatia 6:10

Anyin a wale, e ka hu ûen köta, e so ate me he ka mâdrâ huliwa ae so ka tavat hia thithö, ke ti ânyâ bi ka tavat a ödra hnyi lap anyin tavat labageju.

Galatia 6:2

Ûkhûkhûö th ö honöbun je hok, me ohwâdâ helâe hnanyibu anyin Keriso.

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Kolose 1:4

anyin a öhmu me long anyibun labageju ka Keriso Iesu, me anyibun ibetengiö ka wakap hia,

I. Thesalonika 3:12

ke so Than ame he ka wiʼ öbun, mʼ öbun e he ka hûhûö me si but ibetengiö ke at ka ke at, me ka tavat hia thithö, ke helâe minya öhmun köbun;

II. Thesalonika. 1:3

Hamöhmun he ka ole bala ka Khong gabun, hnyat me lakeiny, anyin ae ûcû e, anyin ame ti kû hmonyin anyibun labaʼ geju, kʼ ame si but anyibun ibetengiököu hia thithö;

Heberu 13:1

E SO e tethmâ ibetengiököu unyin hnyat me lakeiny.

Iakobo 2:8

Ke so bi öbun e ne löng hoton hnanyibu ae beönua, helâ me hna sihnalimen, ka habe, U me be ka betenge ge at ame laba hakekenyi u helâ me u bi, mʼ öbun e ânyâ ling so:

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

II. Peteru 1:7

me bi hanen hnyokâ hnyat me lakeiny ka hnyi hwakecin ae ûcû me Khong; me bi hanen ibetengiö ka hnyi hnyokâ hnyat me lakeiny.

I. Ioane 3:11

Anyin a walang ûthumetu öbun e löng ûnyi hnyi can, ka habe, hamöta he ka ibetengiököu:

I. Ioane 3:23

Ke walang ang anyin hnanyibu, ka habe, hamöta he ka labageju ka hnyi ien Nokon a Iesu Keriso, me ibetengiököu, helâ me hnanyibu a ham köta.

I. Ioane 4:21

Ke walang hnanyibu ae hu gata ûnyi gan, a baba at ame hnyokâ Khong, me ame he ka betenge minya ge liamekeiny mē.

II. Ioane 1:5

Ke walang ang oge me ûjongi u ishola, ca helâke oge me set köu hnanyibu a teb ûnyi, ke so bi hnöta hna hu ûnyi hnyi can, a gʼ ate me ibetengiököu.