Ioane 13:31 - Iaai Bible 1901 (New Caledonia)

³¹ E ame didrut, kʼ ame ha Iesu, ka habe, Adre me ogânâ walang ang Nokon at, ke adre me ogânâ Khong ûnyi gan;

Ioane 13:31 ပူးပေါင်းရင်းမြစ်များ

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Luka 12:50

E ka hu bapataiso hobi könya a gʼ adre me he ka bapataisoi nya kâu; e pason anyik, vec ke ne o but ame hwâdâ thö e.

Ioane 11:4

A long ut; Iesu, me e ame ba, ka habe, Ame ca he ka mekiny mok ang, ke so bi hnân ogânâ Khong, mʼ adre me he minya ka ogânâ Nokon Khong hnen e.

Ioane 12:23

Ke haba Iesu ame thu ködrin, ka habe, A o but awa he ka ogânâ Nokon at.

Ioane 12:28

Cica lö, ogânâ thö iâm. Me ame o but hofuc ûnyi hnyi drany, ka habe Oge hia but ogânâ, ke oge me he hmetu ka ogânâ.

Ioane 14:13

Ke haba ta je ûnyi hia thithö öbun e he ka sumâtâ hnyi iök, me oge me he ka ânyâ me me he ka ogânâ Kamen hnen Nokon.

Ioane 16:14

E ame he ka oganö nya: anyin a e ame he ka hom but ûnyi gak me omanenâ köbun.

Ioane 7:39

Ke e ame ha ge Hanu, wale ame he tavat adre me labageju kâu he ka kap: anyin adre me tiga ca ham Hanu; anyin adre me tiga ca ogânö Iesu.

Ta je huliwa 2:36

Anyin a wale, e so e he lap anyi Isaraela hia ka wâhmakhmeto a gʼ ame hia but Khong wia Iesu at öbun e osatauroâ me me Than me Keriso.

Ta je huliwa 3:13

Haba Khongu Aberahama, me Isaaka, me Jekob, Khongon lakamöta, ame olungâ Aten a Iesu; waleji öbun e hna but, me ivinoâ hnyi hnyimakö Pilato, ke mou thö gan a gʼ ame he ka hna e.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

Efeso 1:12

mʼ adre me he ka wiʼ öta hnân ogânâ anyin hmanenang, a öta hnyat a böta ka gejon ka Keriso:

Efeso 2:7

me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Efeso 3:10

mʼ adre me he ka omanenâ walang ang ka ta je than me ta je musi hnyi je dok ethö hnyi drany, metâiny Khong ae ve bongon, a deny ekalesia,

Filipi 2:11

me me he ka ha manenâ ta je bohmen hia thithö a Iesu Keriso thibi Than, hnân ogânâ Khong a Kamen.

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.