Ioane 13:19 - Iaai Bible 1901 (New Caledonia)

¹⁹ Oge me ha ang köbun ke tiga ca hwâdâ bi, hobi kâu e ka hwâdâ thö, mʼ öbun e he ka labageju a inya e.

Ioane 13:19 ပူးပေါင်းရင်းမြစ်များ

Isaia 41:23

Ûthumetu thö ge ta je ûnyi ame he ka kû hnyi obiny, me me khanʼ öhmun a öbun ta je khong: eke, ânyâ thö so, ame ne kong, mʼ öhmun e he ka hlohlo, me tha wâ bi e.

Isaia 43:10

Öbun tavat ohnathu nya, haingö Iehova, ke athnyabaik waleji oge me ûca: me me khanʼ öbun me labageju könya, me wâ ûnykûme a inya thibi; e ba ke Khong a ban ke bilik bi, ke haba khaca, me ba ke at hnyi hwabök.

Isaia 48:5

anyin a wale, oge hia but haimemenâ e köu ûnyi adrem; oge me omanenâ köu ke tiga ca hwâdâ but: wâ u nye he ka ha, ka habe, Hnen anyik idola hna ânyâ, ke hnen anyik hnatheat, ke anyik hnatheat adre me okoiâ hna hûna kodra.

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Mataio 11:3

he ka ha kâu, ka habe, U but e At ame he ka o, hawa, ohmun e he ka lubahingen khaca?

Mataio 24:25

Wâ bi, oge hia but ha bânâ köbun.

Luka 21:13

Ke ame he ka o e köbun hnân ohnatho.

Ioane 1:15

Haba Ioane ame ohnathoâ e, me hongot, ka habe, Walang at, waleji oge me ha gan, ka habe, Ame he hotuk at ke wale hnyi hnyimakök: anyin a bân, ka bilik bi.

Ioane 14:29

Ke oge me ha köbun walang ang, ke tiga ca hwâdâ, me öbun e he ka labageju e ka hwâdâ thö.

Ioane 16:4

Ke oge hia but ha ta je hofuc e köbun hobi kâu e ka o but ûen, öbun e he ka ûnykûme hnok hna ha ta je ûnyi e köbun. Ke oge me ca ha köbun ta je ûnyi e ûnyi hnyi can, anyin a tha inya möbun.

Ioane 4:26

Iesu ame ha kâu, ka habe, Inya ang at ame ûhnenamö möu.

Ioane 8:28

Ke haingö Iesu, ka habe, öbun ka hia but kap goranyai Nokon at, me ame he ka khanʼ öbun, ka habe, Inya e, ke oge me ca mâdrâ ke ûnyi ka ûnyi gak bi, ke haba hnen Kamök hna nö nya, me wale can oge me ha ta je hofuc ang.

Ioane 8:58

Haingö Iesu kodra, ka habe, E hnathu, e hnathu, inya oge me ha köbun, ka habe, Iny at kâû adrem, ke tiga hiö Aberahama.