Ioane 13:14 - Iaai Bible 1901 (New Caledonia)

¹⁴ Oge ne Than me At ûne, ke oge hia but osûâ je li cabun, me ûcû köbun he ka ûösûâköuâ je li cabun.

Ioane 13:14 ပူးပေါင်းရင်းမြစ်များ

Ioane 11:2

Haba Maria, me wale at ame osûâ Than ge muro, kʼ ame köt li can ge leûnen ban, haniny e a Lazaro at ame mok.

Ta je huliwa 20:35

Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.

Roma 12:10

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at;

Roma 12:16

Tha hnyokköuâ juöbun. Ca ûnykûme bi ta je ûnyi ae görany, ke ca höcö he ka vheno ta je ûnyi ae hnyikânâ. Ca bemetâ bi öbun hnyi je ûnykûmenöbun.

I. Korinito 12:3

Anyin a wale, inya oge me thumetu öbun a gʼ ame ca fuc ûnyi ge Hanon Khong at ame ha, ka habe, anathema Iesu; ke ba at ae khana he ka ha, ka habe, Iesu thibi Than, ke so bi ûnyi ge Hanu Kap.

I. Korinito 8:13

Anyin a wale, e ka haû liamekeiny mönya ge jeû, awe, oge me ca he bi nya ka han utiö nyiele balua, wâ oge nye ohaûâ liamekeiny mönya.

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Galatia 5:13

Hnyat me lakeiny lö, adre hia but hawʼ öbun ka hnyi hna hna bâûâ; ke so bi ca he öbun ka wia hna hna bâûʼ öbun, me hnân hobi kâu unyin, ke ibiathnyabaköu ju hnyi ibetengiö.

Filipi 2:11

me me he ka ha manenâ ta je bohmen hia thithö a Iesu Keriso thibi Than, hnân ogânâ Khong a Kamen.

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

I. Peteru 4:1

ANYIN a wale haba Keriso ame hom vec hnyi unyin, e so öbun e tet metâ me hnyok helâe; anyin a hia but mok degec hulo hnen at ame hom vec hnyi unyin;

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.