Ioane 13:10 - Iaai Bible 1901 (New Caledonia)

¹⁰ Iesu ame ha kâu, ka habe, Haba at adre me osûâ, me ûcû he ka hneû li can thibi, me ame he ka tha kalaöt hia but: öbun e kalaöt ut ke ca öbun hia bi.

Ioane 13:10 ပူးပေါင်းရင်းမြစ်များ

At Khet 7:20

Anyin ae ba at ae wisa eang hmeledrany, a at ame ânyâ so kʼ ame ca ânyâ hulo.

Khumöng Hwanyi Solomona. 4:7

Oûnykûmik lö, u hmanenang hia E ba hnyikongon hnyi unyâm.

Jeremia 50:20

Hnyi je bong eling me hnyi ûen e, haingö Iehova, adre me he ka elâm hulo anyin Isaraela, ke ba but: me je hulo anyin Juda, ke adre me ca be ka wâ: anyin oge me he ka thang je monu anyin tavat oge me hna me linân kolon.

Levitiko 16:26

Ke hamen at a hna got hobi kö Azazele he ka hneû anyin je ûkhaû, me osûâ ûnyin hnyi köiö, ke hwaban e e ame he ka he hmetu ka hnyi hnyaba.

Levitiko 16:28

Ke hamen at a le degecâ ta je ûnyi e he ka hneû anyin je ûkhaû, me osûâ unyin hnyi köiö, ke hwaban e e ame he ka hmetu ka hnyi hnyaba.

Mataio 6:12

Thang ut ta je monu gahmun, helâ me hnöhmun hna thang ut ta je monu gadra adre me okongu ohmun.

Ioane 13:18

Oge me ca hai öbun hia: e khanö nya hnok je hna ûca: ke so bi me me hwâdâ hna sihnalimen, ka habe, Haba at ame an ök jeû me ame hûki nya ge ohmâiny can.

Ioane 13:9

Haba Simona Peteru ame ha kâu, ka habe, Than lö, ca hake li cak thibi, ke so minya li hnyamok me bök minya.

Ioane 15:3

Öbun e kalaöt ut hnyi bong ang ge hofuc oge hia but ha köbun.

II. Korinito 5:17

Anyin a wale a ne e but ke at unyin Keriso, e at adre teb op; e hia but ta je ûnyi adrem; ke wâ bi, adre ohâtâ ta je ûnyi.

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

I. Thesalonika 5:23

Ke so ame he Khongon hnahic ka tha okabi öbun; e na tuö ju je hanubun hia thithö, me je hnyekubun, me je unyibun, me me ba hnyikongon, e ka o hmetu Tuhöta Iesu Keriso.

Heberu 9:10

anyin a hake e thibi (ta je jeû me hnân ic me hna osûâ ae ve bongon), ta je hwakecin unyin, adre otilâ ke ne o but hnyi ûen he ka ohâtâ hmetoâ.

Iakobo 3:2

Anyin ate thö hia thö hnyi ta je ûnyi ae se hia. A ne ca thö at hnyi hofuc, awe, e wisa at e, ke e khana he ka tha hom ûhnyûkongo unyin.