Ioane 13:1 - Iaai Bible 1901 (New Caledonia)

¹ A TIGA ca bijeûâ paseka, ke a wâ Iesu a ga o but ûen he ka he but ka Kamen ûheny ang hmeledrany, ke a hia but hnyokâ lahanen eang hmeledrany, me e ame hnyoki ödra ke ne o but obiny.

Ioane 13:1 ပူးပေါင်းရင်းမြစ်များ

Ta je Vejec 8:31

Me hobâ hnyi hmeledrany adre me labā; Ke haba anyik senyin ae gan wale unyin lakon tavat.

Jeremia 31:3

Haba Iehova ame manen dut könya ehac me ha, ka habe, Inya oge me betenge gam ge betenge a nyiele balua: anyin a wale oge hia but lili u ge betenge baû.

Mataio 26:45

Me e ame o ka laten me ha ködrin, ka habe, Mokut ju öbun, me menâ: wâ bi, e hakekeny jut awa, ke adre hia but alecuâ Nokon at ka hnyi je hnyamen tavat ae kong.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Luka 22:53

Oge tha e möbun hnyi je bong hnyi uma kap, ke öbun e ca hinöbeny könya: ke ûöbun eang, me man maniny lit minya.

Luka 9:51

Ke ame hwân ka o but ûen adre me he ka kap e goranyai, me e ame hwege thö he ka he Jerusalema ai,

Ioane 11:55

E hakekeny jut paseka anyin at Juda: ke se hia tavat adre me he Jerusalema ai ûhedra he e, he ka obosoi ödra e me tiga ca ûen paseka.

Ioane 12:23

Ke haba Iesu ame thu ködrin, ka habe, A o but awa he ka ogânâ Nokon at.

Ioane 13:29

Haba keihen ödrin e ûnykûme anyin a e unyi Juda tang, me ame ha kâu Iesu, ka habe, Ûco thö ûnyi ae ûcû otin ka hnyi bijeû; kʼ ame ne ha la, he ka ha omjehen ta je theduoc.

Ioane 13:3

ke a wâ but Iesu a gʼ ame hia but hna ta je ûnyi hia ka hnyi hnyamen hnen Kamen, ke ûheny unyin Khong, kʼ ame he ka hmetu ka Khong,

Ioane 13:34

Inya oge me ham köbun hnanyibu a teb ûnyi, a öbun e he ka ibetengiököu; oge hia but betenge köbun, e so öbun e be ka helâe wale he ka ibetengiököu öbun.

Ioane 14:28

Öbun e hia but long hnok hna ha köbun, ka habe, Oge me, he but, ke oge me he ka hmetu köbun. Öbun e ne hnyok könya, öbun e he ka senyin anyin oge me he ka Kamen: anyin ae gan hmâ Kamen huk.

Ioane 14:31

ke ba anyin ûnyi ûnyi gak: ke so bi me me wâ thö hmeledrany a inya oge me hnyok ka Kamen, ke oge me mâdrâ helâ me hnen Kamen hna hûna könya. Todrö, otin e he thö eang.

Ioane 16:28

Oge me he but ûhek unyin Kamen, me o eang hmeledrany; ke oge me he hmetu ka hna hmeledrany me he ka Kamen.

Ioane 17:1

IESU ame ha ta je ûnyi e; ke e ame bwele hnyi drany ai me ha, ka habe, Cica lö, a o but ûen; ogânâ thö Nokom, me me oganö u minya bi Nokom:

Ioane 17:16

Ödrin ca aten hmeledrany, ke helâ me inya ca aten hmeledrany.

Ioane 17:26

ke oge me omanenâ ködrin iâm, F oge me he minya bi ka omanenâ e; me me laba eû hnyi je hnyekudrin ibetengiö waleji a hnâm hna betenge gak, ke inya eû hnyi je hnyekudra.

Ioane 17:5

Ke walang ang, Cica lö, oganö nya thö tha inya möu ge hmanenangitu kâû adrem ke tiga hia bi hmeledrany.

Ioane 18:4

Ke e khanö Iesu ta je ûnyi hia ame he ka o kâu, e ame he but, me ha kodra, ka habe, Ia öbun e elâm?

Ioane 19:28

Hwaban dö e, a wâ Iesu a ga um but ta je ûnyi hia, me e ame ha, ka habe, Oge me beic dö; me me hwâdâ hna sihnalimen.

Ioane 2:13

E hakekeny jut paseka anyin at Juda, ke haba Iesu ame he Jerusalema ai.

Ioane 6:4

E hakekeny jut bong paseka, bijeû, anyin at Juda.

Ioane 7:30

Me adre me elâm he ka kât e: ke ba ke at ame hinôbeny kâu, anyin ae tiga ca o bi ûen.

Ioane 7:6

Haba Iesu ame thu ködrin, ka habe, E tiga ca o ûök; ke ûöbun bala bi.

Ioane 8:20

E ame ha ta je hofuc e hnyi dok adre hip mone, e ame tiga ûne hnyi uma kap: ke ba at ame kât e; anyin ae tiga ca o bi ûen.

Roma 8:37

Ohe, e tuta balua hon ta je ûnyi hia eling ûnyi ge at ame betenge gata.

I. Korinito 1:8

wale at ame he ka otethmʼ öbun ke ne o but obiny, me me ba hnân haikongu öbun hnyi bong bongon Tuhöta Iesu Keriso.

Heberu 3:14

anyin adre me wiʼ öta mʼ ate me lahanen Keriso, öta ka he ka kât hmâ hwakecin anyita labageju hnyi can ke ne o but hnyi obiny:

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Heberu 6:11

Ke e wehmun mʼ öbun e he ka ve omanenâ tang hwege eling ka hnyi gejon ae gan hmâ ke ne o but obiny:

I. Peteru 1:13

Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;

I. Ioane 4:19

Ate me betenge, anyin a e ame bân ka betenge gata.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;