Ioane 12:48 - Iaai Bible 1901 (New Caledonia)

⁴⁸ Haba at ame digic nya, kʼ ame ca kap bi hok hofuc, me hu bi at ame owisa kâu: haba hofuc, waleji oge me ha, me wale at ame he ka owisa kâu hnyi bong a obiny.

Ioane 12:48 ပူးပေါင်းရင်းမြစ်များ

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Mataio 10:15

E hnathu, inya oge me ha köbun, ka habe, Ame he ka hâhâ ka hnyei Sodoma me Gomora hnyi bong owisa hon taun eling.

Mataio 21:42

Haba Iesu ame ha ködrin, ka habe, Öbun e ca aû hna sihnalimen, ka habe, Haba veto ame degec hnen tavat bi uma, Me adre me ânyâ me hnân ban kopiny: Ûnyi ge Than eling, Ke ate me wâ me lâiâ?

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mareko 12:10

Öbun e ca munyi aû hna sihnalimen, ka habe, Haba veto ame degec ge tavat bi uma, Me adre hia but ânyâ eling me hnân kopiny bahebet:

Mareko 16:16

Haba at ama labageju me adre bapataisoâ, me ame he ka möt; ke haba at ama ca labageju bi, e ame he ka hnaûhango.

Mareko 8:31

Ke e ame hwân he ka nʼ ödrin, a gʼ ame he Nokon at ka vheno ta je vec ae se hia, kʼ ame he ka oûnyibâûâ e ge wahingat, me je taben tavat bihut, me hnyat sihnalimen, ke adre me he ka hlingâ e, kʼ ame he bi ka möt hmetu hwaban kun ta bong.

Luka 10:16

Haba at ama ling öbun e ame ling nya; ke haba at ama hûköti öbun, e ame hûkötiö nya; ke haba at ama hûkötiö nya, e ame hûkötiâ at a kunö nya.

Luka 17:25

Ke hamen he ka mē vec ge ta je ûnyi ae se hia, me hota degecâ hnen dö ang.

Luka 20:17

Me e ame ö ʼdrin me ha, ka habe, Ieû hna sihnalimen, ka habe, Haba veto ame degec hnen tavat hötilö uma, Adre hia but ânyâ hnân ban hon bahebet?

Luka 7:30

Ke haba ta je Faresaio me tavat ûnö hnanyibu, me adre me ka iet degecâ je ûnykûmenen Khong, kʼ adre me ca bapataisoi ödra ge anyin bapataiso.

Luka 9:22

e ame ha, ka ʼ habe, Hanymen Nokon at he ka hokhnyokâ ta je ûnyi hia, ke ame he ka hûkötiâ hnen wahingat, me je taben tavat bihut, me hnyat sihnalimen, ke adre me he ka hlingâ, ke ame he ka möt hmetu thö hnyi bong a kuniny.

Luka 9:26

Ke haba at ame he ka hmehma gak me hok ta je hofuc, me ame he bi Nokon at ka hmehma gan, e ka tha o me anyin hing hmanenang, me hmanenanginy Kamen, me ta je angela ae kap.

Ioane 11:24

Haingö Maretha kâu, ka habe, E khanö nya a gʼ ame he ka möt hmetu hnyi ûen möt hmetu hnyi bong a obiny.

Ioane 5:45

Ca ûnykûme öbun a oge me he ka hai öbun ka Kamök: e hu bi ke at ame he ka hai öbun wale Mose, at öbun e labageju kâu.

Ioane 6:39

Ke walang weny at a kunö nya, o oge me ca he ka hna ke at gadra a ham könya, mʼ oge me he bi ka otilʼ ödra hnyi bong a obiny.

Ioane 8:47

Haba at a ûnyi ge Khong, me e ame long hofuc hwan Khong: waleling me öbun e ca long anyin a ca ûnyi ge Khong öbun.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Ta je huliwa 3:23

Ke haba at ame ca he bi ka long perofeta eling, me adre me he ka ohia e ûnyi hnyi hnyei.

Roma 2:16

hnyi bong ame he Khong ka hnö ta je ûnyi ae iyong anyin tavat, ga Iesu Keriso, hoton anyik ûthumetu ae so.

II. Korinito 4:3

Ke adre me ne tubi anyihmun ûthumetu ae so, me adre me tube ka tavat adre me he bi ka mok:

II. Thesalonika. 1:8

hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso:

Heberu 10:25

me ca he ka degec anyita ûkhacaköu, helâ me hwakecin keihen, ke so he ka ûsihwegeköu; ke hwege ju helâe, öbun ka wâ bong ae hakekeny jut.

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.

II. Peteru 3:3

a böbun he ka wâhmakhmeto ûnyi eang a haba hnyi ta je bong a biliny, me ame he ka o tavat ûhiö me ûhlumöny, kʼ adre me he ka he hoton ta je wedra bi ae kong,

II. Peteru 3:7

ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.

I. Samuela 10:19

ke öbun e hia but degec Khongubun hnyi ûen ang, at a omeli öbun ûnyi ge anyibun je hna okongoâ me hna ovecâ; ke öbun e ha kâu, ka habe, Otilâ thanihmun dö. Awe, omanenʼ öbun dö walang ang hnyi hnyimakö Iehova hoton anyibun je tribu me je thauzan gabun.

I. Samuela 8:7

Ke Iehova ame ha kö Samuela, ka habe, Long ju hofuc hwan tavat, wale adre me ha hia köu: anyin a ödrin e ca hna degeci u, ke ödrin e hna degeci nya bi, me inye ca thanidrin.