Ioane 12:42 - Iaai Bible 1901 (New Caledonia)

⁴² Ke so bi e se hia ta je taben adre me labageju kâu; kʼ adre me ca ha manenâ bi, can ta je Faresaio, wâ adre nye obʼ ödra but ûnyi hnyi sunago:

Ioane 12:42 ပူးပေါင်းရင်းမြစ်များ

Ta je Vejec 29:25

E ka ot at, me hnân e hnewe: Kʼ ame he ka laba khötkic at ame labageju kö Iehova.

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Isaia 57:11

Ke ie at waleji u me outen me öbubuny gan, anyin a u me thoi, me ca ûnykûme könya, ke u je ca ip eû hnyi hnyekom? hawa, oge me ca laba hnyibû hwân ehac, me u je outö nya?

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Jeremia 38:19

Me Zedekia ame ha kö Jeremia, ka habe, Iny outen at Juda tavat adre hia but utut ka at Kaledaia, wâ adre nye he ka hnö nya ka hnyi je hnya-mödra mʼ adre me he ka hlumö nya.

Mataio 10:32

Anyin a wale, haba at ame he ka haiö nya hnyi hnyimakan tavat, me oge me he bi nya ka hâiâ e hnyi hnyimakan Kamök ethö hnyi drany.

Luka 12:8

Ke inya oge me ha köbun, ka habe, Haba at ame he ka haiö nya hnyi hnyimakan tavat, me ame he Nokon at ka hâiâ e hnyi hnyimakan ta je angela anyin Khong:

Luka 23:13

Haba Pilato ame ûkhacaköuâ je taben tavat bihut, me hnyat musi, me tavat bi,

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Ioane 11:45

Me ame labageju kâu at Juda ae se, a hnyat adre me o kö Maria, kʼ adre me wâ ta je ûnyi e ame mâdrâ.

Ioane 12:11

anyin ae se hia at Juda adre me he me labageju kö Iesu ûnyi gan.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ioane 19:38

Hwaban e, haba Josefa at Arimathea, wale ke atö Iesu, ke iyong bi anyin ae outen at Juda, haba at eling ame sumatö Pilato he ka hom unyi Iesu: haba Pilato ame ham. Me e ame he but me hom unyin.

Ioane 3:2

ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.

Ioane 7:13

Ke ba at ame ha manenâ e anyin a ödra outen at Juda.

Ioane 7:31

Ke ödra se hia adre me labageju kâu; me ödrin e ha, ka habe, E ka o but Keriso, hawa, e ame he ka ânyâ ta je ûöman hon hna ânyâ hnen at ang.

Ioane 9:22

Ame ha kamen me hinyen helâe anyin a ödru outen at Juda; anyin ame ûhaköuâ at Juda he ka obâ ûnyi hnyi sunago at ame he ka ha, ka habe, E Keriso.

Ioane 9:34

Ödra adre me thu kâu, ka habe, Adre me hnöku u hnyi hulö ae gan, ke u me he bi ka nʼ ohmun? me adre me obâ but e.

Ta je huliwa 5:41

Me ödrin e he but ûhedrin hnyi hnyimakan tavat ûhnenamö, me senyin anyin adre me hna ködrin he ka kong can Ien.

Roma 10:10

anyin a hnyok at ame labageju ke ne o but hnyi hwakecin ae wisa; ke hnyem at ame ha ke ne o but hnyi möt.

I. Ioane 4:15

Haba at ame he ka ha, ka habe, Iesu Nokon Khong, me Khong ame laba eû hnyin, ke e bi eû hnyi hnyekon.

I. Ioane 4:2

Hnen ûnyi ang öbun e wâhmakhmetoâ Hanon Khong: haba ta je hanu hia adre me ha, ka habe, a o but Iesu Keriso hnyi unyin, me wale hanu ûnyi ge Khong: