Ioane 12:40 - Iaai Bible 1901 (New Caledonia)

⁴⁰ E ame owadruâ ta je emaködra, ke e ame okhötâ je hnyekudra; Wâ adre nye wâ ge je emaködra, me ûnykûme ge je hnyekudra, Wâ adre nye hmetu, Mʼ iny omeli ödra but.

Ioane 12:40 ပူးပေါင်းရင်းမြစ်များ

I. Je Than 22:20

Ke haba Iehova ame ha, ka habe, Ie at ame he ka iyawö Ahaba me me he ka he me ta hnyi Ramothe-gileada? Ke ame ha helâng ke at, ke helâe ke at.

Salamo 147:3

E ame ometo tavat ae vec hnyekudra, Me lan hnödra ta je aat.

Salamo 41:4

Haingök dö, Iehova lö, betenge ju gak: Ometo thö hanuk; anyin oge hia but monu köu.

Salamo 6:2

Iehova lö, betenge ju gak; anyin a meleca thö unyik; Iehova lö, ometu nya, anyin ame öbubuny je jeien unyik.

Esodo 10:1

KE haba Iehova ame ha kö Mose, ka habe, He thö kö Farao: anyin a oge hia but onâkâ hnyekon, me hnyekon lathnyabainy, mʼ inye he ka omanenâ hnyi hnyimaködrin ta je hatök eang:

Esodo 11:10

Ke Mose me Arona ödru me ânyâ ta je ûnyi hnân lâiâ hnyi hnyimakö Farao: ke Iehova ame onâkâ hnyeku Farao, me ame ca hna lakon Isaraela ûnyi hnyi iny hnyei.

Esodo 14:17

Ke haba inya oge me he bi nya ka onâkâ hnyekon at Aigupito, kʼ adre me he ka hnu hotudra ka hnyin: kʼ oge me he ka oganö nya bi ga Farao, me anyin je vat hia, me anyin je kariota, me anyin je hnyat tabö hos.

Esodo 14:4

Ke oge me he bi nya ka onâkâ hnyeku Farao, kʼ ame he ka hnu hotudra; kʼ ame he ka oganö nya ga Farao, me anyin je vat hia; kʼ ame he ka khana hnen at Aigupito a inya Iehova. Kʼ adre me ânyâ helâe.

Esodo 14:8

Ke haba Iehova ame onâkâ hnyeku Farao than Aigupito, kʼ ame hnu lakon Isaraela: anyin a haba lakon Isaraela adre me he me tang hwege.

Esodo 4:21

Ke Iehova ame ha kö Mose, ka habe, U ka he hmetu Aigupito ai, ûnykûme ju he ka ânyâ ta je ûnyi hnân lâiâ hia hnyi hnyimakö Farao, waleji oge ip hnyi hnyamâm: ke oge me he ka okhötâ hnyekon, me ame ca he ka hna tavat.

Esodo 7:13

Ke ame nâk ut hnyeku Farao, kʼame ca ling ödru, helâ me hna ha hnö Iehova.

Esodo 7:3

Ke oge me he ka onâkâ hnyeku Farao, me osehia anyik ta je haten me ta je anyi hnân lâiâ, hnyi hnyei Aigupito.

Esodo 9:12

Ke haba Iehova ame onâkâ hnyeku Farao, kʼ ame ca ling ödru, helâji me hna ba hnö Iehova kö Mose.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 29:10

Anyin a hia but Iehova hingâlâ hubun hanuiny mokut hnying, me ömûki öbun, wale ta je perofeta; ke ame tube je böbun, wale tavat wâ.

Isaia 53:5

Ke so bi e ame aat dö can hnöta ta je hna hanyâûâ, kʼ adre me khaû e can hwakecita ae kong: adre me ip hon e je hna kot mʼ ate me hnahic bi, ke öta metu but can hna khûâ hnân.

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Isaia 6:9

Me e ame ha, ka habe, He thö, me ha ka tavat ang, ka habe, Öbun e labö long, ke ca wâhmakhmeto bi; ke öbun e labö wâ, ke ca wâ ûnykûme bi.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Ezekiela 12:2

Nokon at lö, u je laba hnyi wanben lap ae ûkhin fuc, tavat ae hu li ecmak hnân bwele, kʼ adre me ca bwele bi, ke hu li hnyikönyödra hnân long, kʼ adre me ca long bi; anyin a ödra lap ae ûkhin fuc.

Ezekiela 14:9

Ke a ne monu but perofeta me ha ke hofuc, inya Iehova at ame omono perofeta eling, ke oge me he ka inâ hnyamok hon e, me ohia e ûnyi hnyi ik hnyei a Isaraela.

Hosea 14:4

Oge me he ka osoâ hna digic nya gadra: anyin ame hwio gadra anyik hmonyin.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mareko 4:12

mʼ adre me he ka wâ, a wâ thibi, kʼ adre me ca wâ ûnykûme bi; ke long, a long thibi, ke ca wâhmakhmeto bi; wâ adre nye hwio thö, mʼ adre me he ka thang degecâ but anyidra ta je hulö.

Mareko 6:52

anyin a ödrin e ca ûnykûme je areto, ke e khot je hnyekudrin.

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Luka 8:10

Me e ame ha, ka habe, Adre me ham köbun he ka wâhmakhmeto ta je ûnyi ae iyong hnyi dokhu dokhon Khong: ke adre me bi hnân ûhöûcû ka keihen; mʼ adre me he ka bwele, me ca wâ bi, me he ka long me ca wâ ûnykûme bi.

Ioane 12:39

Anyin a wale e ca khanʼ ödra he ka labageju, anyin a haingö Isaia minya, ka habe,

Ioane 9:39

Haingö Iesu, ka habe, Oge o but eang hmeledrany he ka owisa, me me bwela but tavat adre me ca hnyi bwela; me me ca bwela bi tavat adre me bwela.

Ta je huliwa 15:3

Ke ame su ödrin ekelesia, ke ödrin e gethen hnyi Foinike me Samaria, kʼ ödrin e omanenâ ihwiöiny Aten ta je hnyei; me ödrin e okûâ senyin ka je liamekeiny hia.

Ta je huliwa 28:26

He thö ka hnyi hnyei ang me ha, ka habe, Öbun e he bala ka long, kʼ öbun e ca he bala ka wâhmakhmetoâ; Ke öbun e he bala ka wâ, kʼ öbun e ca he bala ka wâ ûnykûme:

Ta je huliwa 3:19

Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than;

Roma 9:18

Awe, e ame betenge ge at e ame! betenge gan, ke e ame onâkâ at e ame beonâkâ kâu.

Deuteronomi 29:4

ke a ca ham bi köbun Iehova hnyok ae wâhmakhmeto, me li emakan ae bwela, me li hnyikonyen ame löng, ke ne o but hnyi bong ang.

Josua 11:20

Anyin a ûnyi ga Iehova he ka okhötâ je hnyekudra, mʼ adre me he ka vat me at Isaraela, me e ame he ka ti ohiʼ ödra, mʼ adre me ca he ka betenge gadra, ke ao bi mʼ adre me he ka ohiʼ ödra, helâji me Iehova ame ha kö Mose.