Ioane 12:36 - Iaai Bible 1901 (New Caledonia)

³⁶ Kap ju melam e me tiga e unyibun melam, mʼ öbun e lakon melam bi. Iesu ame ha hofuc e, me ame he but, kʼ ame labö duöng gadra.

Ioane 12:36 ပူးပေါင်းရင်းမြစ်များ

Isaia 60:1

HÖHÖI thö, umumelam dö; anyin a o but melamâm, ke a o but hom hmanenangi Iehova.

Mataio 21:17

Me e ame hnʼ ödra but me he but ûheny hnyi taun Bethania ai, me mokut eling.

Mataio 5:14

Öbun e melaminy hmeledrany. E ca khana he ka iyong taun adre ip hon bucen.

Luka 16:8

Ke haba than ame haisoâ athnyabainy ae ca wisa, anyin a e ame ânyâ metâ: anyin ae metâ but aten hmeledrany unyin anyidra dö hon tavat a aten melam.

Ioane 1:7

E ame o but hnân ohnathoâ, mʼ adre me he ka ohnathoâ melam, me me labageju tavat hia thithö ûnyi gan bi.

Ioane 11:54

Waleling me me ca he manen hmetu Iesu hnyi hnyimakan at Juda, ke e ame he but ka hnyi ke keihen hnyei ae hakekeny ka hnyi hnyebuba, ka hnyi taun Eferaima ien, kʼ ame tha laba eling me laten.

Ioane 12:37

Ke so bi, eja ke ne a ne ânyâ ta je ûöman ae se hia hnyi hnyimakodra, adre me ca labageju kâu:

Ioane 12:46

Inya oge me o mʼ inya melaminy hmeledrany, me me ca laba hnyi lit at ame labageju könya.

Ioane 3:21

Ke haba at ame mâdrâ hnathu, e ame he ka hnyi melam, me me manen dut anyin ta je huliwa, a gʼ ame mâdrâ ûnyi ge Khong.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ioane 8:59

Me adre me hom je veto he ka lûâ e: ke haba Iesu ame ka oiyongâ e bi, me didrut ûheny hnyi uma kap.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

I. Thesalonika 5:5

anyin a öbun hia thithö je lakon melam, me lakon lany: ca öta bi hanen lit me menekholom;

I. Thesalonika 5:8

Ke haba öta aten melam, me so ate me metâ, me khavâ ûkhaûen ûlainy labageju me ibetengiö; me gejon möt hnân hnabicen vat.