Ioane 12:34 - Iaai Bible 1901 (New Caledonia)

³⁴ Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Ioane 12:34 ပူးပေါင်းရင်းမြစ်များ

II. Samuela 7:13

Me e ame he ka otilâ uma hobi kâu iök, me oge me he bi nya ka ohmâ theroniny dokhon dökhu nyiele balua.

Salamo 110:4

Iehova a hia but khemanyin, kʼ ame ca he bi ka ietra, ka habe, U thibi at bihut nyiele balua helâ me hwakeci Melekisedek.

Salamo 72:7

Hnyi bonginy ta je bong ame he at ae wisa ka kû khulelau; Kʼ ame he ka gan hmâ ûsoköu ke ne o but ame aû but tehi.

Isaia 53:8

Adre me hom e ûnyi hnyi hna ovecâ me hna ûhnei; ke ewa at bi hnyi anyin dö ame ûnykûme a gʼ adre subâ degecâ e ûnyi hnyi hnyei iny tavat ae möt? adre me kot e can je hna hanyâûâ hnen lakeik.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Daniela 7:27

Ke haba dökhu, me musi me ûganiny ta je dökhu eang hmeledrany hia, adre me he ka ham ka tavat ae kap anyi Beönua: dökhu ae hmâ dokhon dökhu, ke ame he ta je musi hia ka bi athnyaba me löng kâu.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Mataio 16:13

Ke ame o but Iesu hnyi ke keihen hnyei Kaisaria Filipi, me e ame hnö laten, ka habe, Haba ifucin tavat ge Nokon at, me ia?

Mataio 21:10

Ke hnyi ûen e ame o but hnyi Jerusalema me ame bwebwet bi taun hia, haingödra, ka habe, Ia e?

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Ioane 10:34

Iesu ame thu kodra, ka habe, Hawa, adre ca sihnalimen hnyi anyibun hnanyibu, ka habe, Oge ha, ka habe, Öbun ke je khong?

Ioane 12:32

Ke haba inya, adre ne ogoranyi nya ûnyi eang hmeledrany, me oge me he bi nya ka lelo tavat hia thithö könya.

Ioane 15:25

Waleling me me hwâdâ but hna sihnalimen hnyi anyidra hnanyibu, ka habe, Adre hia but hûkötiö nya ke ba can.

Ioane 8:28

Ke haingö Iesu, ka habe, öbun ka hia but kap goranyai Nokon at, me ame he ka khanʼ öbun, ka habe, Inya e, ke oge me ca mâdrâ ke ûnyi ka ûnyi gak bi, ke haba hnen Kamök hna nö nya, me wale can oge me ha ta je hofuc ang.

Roma 3:19

Ke e khanʼ öta a haba ta je ûnyi adre ha hnyi hnanyibu, me adre me ha ka tavat adre me laba hmelen hnanyibu; me me he ka ohnyibö ta je hnyem hia, mʼ adre me he ka ohnaûhangoâ hmeledrany hia thi-thö ûnyi ge Khong:

Roma 5:18

Anyin adre me ohnaûhangoâ tavat ae se hia ûnyi ge monu a khaca; helâe minya ame o bwihlany ka tavat hia ame haiwisʼ ödra mʼ adre me möt ûnyi ge hwakecin ae wisa a khaca.

Heberu 7:24

ke hu gan hanymen at bihut ame ca he ka wia, anyin a e at ae tethmâ nyiele balua.