Ioane 12:28 - Iaai Bible 1901 (New Caledonia)

²⁸ Cica lö, ogânâ thö iâm. Me ame o but hofuc ûnyi hnyi drany, ka habe Oge hia but ogânâ, ke oge me he hmetu ka ogânâ.

Ioane 12:28 ပူးပေါင်းရင်းမြစ်များ

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 11:26

eke, Cica lö, anyin ae ûcû e hnyi hnyimâkâm.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 26:42

Ke e ame he hmetu ka hic me ha, ka habe, Cica lö, a ne ca khana he ka hia but utköiö eang, iny ka ca ijem, ânyâ thö wem.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Mareko 1:11

me ame o but hwan hofuc ûnyi hnyi drany, ka habe, U thibi Nokuk a oûnykûmik, inya oge me senyin köu.

Mareko 14:36

Me e ame ha, ka habe, Aba, Cica, e khanö u he ka ânyâ ta je ûnyi hia; hom dö gak kaia eang: ke ca ânyâ hoton wek, ke so bi wem.

Mareko 9:7

Ke ame o thö ke ûlâ me tubi ödrin: me ame o but hofuc ûnyi hnyi hnyin ûlâ, ame ha, ka habe, Walang Nokuk a oûnykûmik: long ju öbun kâu,

Luka 3:22

me ame olo but kâu Hanu kap hnyi unyin, helâ me biny, ke ame o but hofuc ûnyi hnyi drany, ka habe, U thibi Nokuk a oûnykûmik; oge me senyin köu.

Luka 9:35

Me ame o but hwan hofuc ûnyi hnyin ûlâ ame ha, ka habe, Wale Nokuk a ûcanök: long ju öbun kâu.

Ioane 11:4

A long ut; Iesu, me e ame ba, ka habe, Ame ca he ka mekiny mok ang, ke so bi hnân ogânâ Khong, mʼ adre me he minya ka ogânâ Nokon Khong hnen e.

Ioane 18:11

Haba Iesu ame ha kö Peteru, ka habe, Inâ hmetu ju hele vat ka hnyi umen: hawa, oge me ca he ka ijem kaia a ham könya Cica?

Ioane 9:3

Iesu ame thu, ka habe, E ca monu at ang, ke ca monu minya kamen me hinyen: ke so bi me me manen dut la je huliwa anyin Khong ge at ang.

Efeso 2:7

me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Efeso 3:10

mʼ adre me he ka omanenâ walang ang ka ta je than me ta je musi hnyi je dok ethö hnyi drany, metâiny Khong ae ve bongon, a deny ekalesia,

Efeso 3:21

me so adre ogânâ e hnyi ekalesia me hnyi Keriso Iesu hnyi ta je dö hia nyiele nyiele balua. Amen.

II. Peteru 1:17

Anyin ae hu but gan ûnyi ge Khong a Kamen hna ogânâ me hmanenang, waleji ame o kâu hwan hofuc ûnyi hnyi hmanenang ae nua, ame ha, ka habe, Walang Nokuk a oûnykûmik oge me senyin kâu: