Ioane 12:27 - Iaai Bible 1901 (New Caledonia)

²⁷ E hlohlo hnyekuk walang ang; ke ieû oge me he ka ha? Cica lö, bethe omeli nya hnyi ûen ang. Ke so bi can e oge me o but ka hnyi ûen ang.

Ioane 12:27 ပူးပေါင်းရင်းမြစ်များ

Salamo 6:3

Kʼ ame ot gan hmâ hanuk: Ke haba u Iehova, me ieû ûen gam?

Salamo 88:3

Anyin ae unöngötö hanuk ge je vec: Ke ame hakekeny anyik möt erkemok ai.

Isaia 38:15

Ieû oge me he ka ha? e ame hia but ha könya, ke e bi at ame ânyâ: Oge me he ka omis he hnyi ta je hunaik hia can vecin hnyekuk.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 11:26

eke, Cica lö, anyin ae ûcû e hnyi hnyimâkâm.

Mataio 26:42

Ke e ame he hmetu ka hic me ha, ka habe, Cica lö, a ne ca khana he ka hia but utköiö eang, iny ka ca ijem, ânyâ thö wem.

Mataio 26:45

Me e ame o ka laten me ha ködrin, ka habe, Mokut ju öbun, me menâ: wâ bi, e hakekeny jut awa, ke adre hia but alecuâ Nokon at ka hnyi je hnyamen tavat ae kong.

Luka 22:44

Ke e ame vec gan hmâ, me e ame hic hwege, ke haba khun gan ame hingölö ka hnyi kânâ, helâ me khukhulainy dra ae gan.

Luka 22:53

Oge tha e möbun hnyi je bong hnyi uma kap, ke öbun e ca hinöbeny könya: ke ûöbun eang, me man maniny lit minya.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 12:23

Ke haba Iesu ame thu ködrin, ka habe, A o but awa he ka ogânâ Nokon at.

Ioane 13:21

Ke a hia but Iesu ha e, e ame hmak hnyekon, me thumetu me ha, ka habe, E hnathu, hnathu, oge me ha köbun ame he ke at gabun ka alecuo nya.

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

I. Timoteo 1:15

Walang uthofuc ae hnathu, me ti ûcû he ka kap, ka habe, A o Keriso Iesu eang hmeledrany he ka omelö tavat ae monu; ke iny beönua bi hudrin:

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,