Ioane 12:26 - Iaai Bible 1901 (New Caledonia)

²⁶ A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ioane 12:26 ပူးပေါင်းရင်းမြစ်များ

Salamo 17:15

Ke haba inya oge me he ka wâ hnyimâkâm hnyi hwakecin ae wisa: Ame he ka sekuk, iny ka hmak dö a tha helâ möu.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Ta je Vejec 27:18

Haba at ame tuö imeta, me ame he ka an wan; Ke haba at ame tuö tuhan, me adre me he ka ogânâ.

Numera 14:24

ke haba athnyabaik a Kaleba, anyin a e at ae ke hnyekon, ke e ame tha löng hotuk, awe oge me he ka hom e ka hnyi hnyei wale a mwi hnyin; kʼ ame he je mâtrâniny ka hu e.

Numera 32:11

Haba tavat adre he jem ûhedra Aigupito, hwân ge tavat a twente huna me gan hon e, me adre me ca he ka hnyi wâ hnyei waleji oge khemanyin kö Aberahama me Isaaka, me Jekob; anyin adre me ca hnu hotuk hnyi ta je ûnyi hia:

Mataio 16:24

Me Iesu ame ha ka laten, ka habe, A ne ke at ame weny he ka he hotuk, e so e ame hokhnyok, me hom anyin satauro me he hotuk.

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

Mareko 8:34

Ke e ame hawâ tavat ae se hia me laten minya, me ha kodra, ka habe, A ne hu ke at ame weny he ka he hotuk, e so e he ka hamen hokhnyok, me hom anyin satauro me he hotuk.

Luka 12:37

Hnahic hnen je athnyaba, wale e ka o than ka ō ʼdrin, ödrin e hmâkâ: e hnathu inya oge me ha köbun, e ame he ka hûkâlâ wen hnyekon, me olabʼ ödra ju, me he but he ka bi athnyaba kodra.

Luka 6:46

Ke ieû e gabun a öbun e hao nya, ka habe, Taböny than, Taböny than lö, kʼ öbun e ca mâdrâ bi ta je ûnyi oge me ha?

Luka 9:23

Ke e ame ha kodra hia, ka habe, A ne ke at ame weny he ka he hotuk, e so e ame ka hing hokhnyok, me hom anyin satauro hnyi je bong, me he hotuk.

Ioane 10:27

A long ut halek ta je mamoe ifucik, ke oge me wâhmakhmetu ödra, ke adre me he hotuk:

Ioane 13:16

E hnathu, e hnathu, inya oge me ha köbun, ka habe, E ca gan aten hon tuhan; ke ca gan minya at adre kunâ hon at a kunâ e.

Ioane 14:15

Öbun e ne hnyok könya, öbun e he ka vheno anyik ta je hnanyibu.

Ioane 14:3

Ke oge ne he but ka ânyâwia ke dok hobi köbun, oge me he ka o hmetu, me oge me he ka köp öbun könya; me haba dok oge me laba hnyin, mʼ öbun e he ka laba hnyin minya.

Ioane 15:20

Ûnykûme ju hofuc oge me ha köbun, ka habe, E ca gan athnyaba hon tuhan. Adre ne hia but oveci nya, adre me he bi ka oveci öbun; ke adre ne hia but vheno hok hofuc, adre me he bi ka vheno hobun hofuc.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 21:22

Iesu ame ha kâu, ka habe, Oge ne wek e ame he ka ûlubahing ke ne o but oge me o, hnân eû köu? he bi u hotuk.

Roma 1:1

INYA Paulo athnyabai Iesu Keriso, adre me hawâ hnân aposetolo, kʼ adre ûca hobi kâu ûthumetu ae so anyin Khong,

Roma 14:18

Anyin a Khong ame senyin ka at ame bi athnyaba kö Iesu Keriso hnyi ûnyi eling, ke ame haisoâ minya hnen at.

II. Korinito 4:5

Anyin a öhmun e ca kheti öhmun, ke Keriso Iesu a Than, ke öhmun je lathnyabaibun ga Iesu.

II. Korinito 5:8

öhmun e hwege hnyok, me wehmun he ka hia but hnyi unyin, me tha öhmun unyin Than.

Galatia 1:10

Anyin a walang ang, hawa, oge me huliwan at, hawa, Khong ke hawa, inya oge me elâm he ka osenyinâ at? anyin oge ne labö osenyinâ at, mʼ iny ca athnyabai Keriso bi.

Filipi 1:23

Anyin oge me loloâ hnyi li ûnyi eang, ke haba wek bi, me he ka he but, e me tha inya me Keriso; wale so ae nua:

Kolose 3:24

anyin ae khanʼ öbun a öbun e he ka hu hwaban ûnyi ge Than, wale jekhöû: ke öbun e bi athnyabainy Than Keriso.

Kolose 4:12

Ame italofa mʼ öbun Epafera a hanöbun athnyabainy Keriso Iesu, at ae hwege hic hobi köbun, mʼ öbun e he ka tot wisa, me kap wia hia weny Khong.

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

I. Ioane 5:3

Haba hnyok ka Khong, me wale thibi ang, a gʼ ate me löng hoton anyin ta je hnanyibu: e ca hmak anyin ta je hnanyibu.

Juda 1:1

INYA Juda athnyabai Iesu Keriso, liamekeiny me Iakobo, oge me set ka tavat adre hawʼ ödra, me laoûnykûminy Khong a Kamen, tavat adre tuʼ ödra hobi kö Iesu Keriso:

Hna Omanenâ 14:4

Ödrin je hnyat a ca hamödrin okongu ödrin unyin omomo; anyin a ödrin so. Ödrin je hnyat adre me hnu hoton Arenio ka hnyi je dok ame he hnyin. Ödrin je hnyat adre ûco unyin tavat, me hnân wan a bân hobi kâu Khong me Arenio.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.