Ioane 11:42 - Iaai Bible 1901 (New Caledonia)

⁴² Ke e khanö nya a u me ling nya bala: ke oge me ha anyin a ödra se adre me tot igigili nya, mʼ adre me he ka kap a u je kunö nya.

Ioane 11:42 ပူးပေါင်းရင်းမြစ်များ

Mataio 26:53

Anyin a hawa, u je ûnykûme e ca khanö nya he ka khöû walang ang ka Kamök, me e ame he ka ham könya ta je angela ae se hia hon twelv ta je legeona?

Ioane 11:22

Ke walang ang, e khanö nya a gʼ ame he Khong ka ham köu ta je ûnyi hia thithö u me he ka sumâtâ gan.

Ioane 11:31

Ke haba at Juda adre tha laba mē eiö hnyin uma, a hnyat otubwelâ, adre me ō Maria ame ie tot me he hnyou ai, me adre me he hoton, adre me ûnykûme a gʼ ame ke ka hnyi erkemok he ka tenge eling.

Ioane 11:43

E ame ha hofuc e, me e ame hongot hwege thö, ka habe, Lazaro lö, didrut.

Ioane 12:11

anyin ae se hia at Juda adre me he me labageju kö Iesu ûnyi gan.

Ioane 12:17

Me ame ohnathoâ hnen tavat ae se hia a tha ödra mē waleji hnyi hnen hna hawo Lazaro ûnyi hnyi hnyin erkemok, me omelö e ûnyi hnyi hna mok.

Ioane 17:21

mʼ adre me be bi hia thithö ka khaca thibi; helâ me u Cica eû hnyi hnyik, ke inya minya bi eû hnyi hnyâm, me me tha ödra mʼ ötu: me me labageju hmeledrany a u je kunö nya.

Ioane 17:25

Kamen ae wisa lö, e ca khana hmeledrany u, ke haba inya, me khanö nya u; ke haba hnyat ang, me khanʼ ödrin a u je kunö nya;

Ioane 17:8

anyin oge ham ködrin ta je hofuc u je ham könya; ke ödrin e hia but kap, ke e khanʼ ödrin wia but a oge o but ûnyi gam, ke ödrin e labagejon hnâm hna kunö nya.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 3:17

Anyin a ca kunâ bi Khong Nokon ka hnyi hmeledrany he ka ohnaûhangoâ hmeledrany; ke so bi he ka omelö hmeledrany a deny e.

Ioane 8:16

Ke so bi oge ne ha ûnykûme, e hnathu hnok hna ûnykûme; anyin a ca hake inya ke, ke tha inya me Kamök at a kunö nya.

Ioane 8:29

Ke tha e mönya at a kunö nya: e ame ca hnö nya but; anyin a inya oge me ânyâ bala ta je ûnyi hnân osenyinâ e.

Ioane 8:42

Iesu ame ha ködrin, ka habe, A ne Khong Kamöbun, öbun e he ka hnyok könya; anyin oge me o but, me oge me o ûnyi ge Khong; ke oge ca ka hamök o, ke e a kunö nya.

Roma 8:3

Anyin a haba ûnyi ae pason ka hnanyibu, can ae sënyin ûnyi ge unyin, me haba Khong ame kunâ hing Nokon, helâ unyin ae kong, ke hnân hudiny hulo, me me ohnaûhangoâ hulo ûnyi hnyi unyin:

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

I. Ioane 4:14

Ke öhmun e hia but wâ me ohnatho, a ga kunâ Nokon hnen Kamen he ka omelö hmeledrany.