Ioane 11:25 - Iaai Bible 1901 (New Caledonia)

²⁵ Iesu ame ha kâu, ka habe, Inya ang möt hmetu, me möt minya: haba at ame he ka labageju könya, eja ke ne a ne mokcu, e ame he ka möt:

Ioane 11:25 ပူးပေါင်းရင်းမြစ်များ

Salamo 36:9

Anyin a e bi unyâm pupuainy möt: Ohmun e he bi ka wâ melam hnen ânyâm melam.

Isaia 26:19

Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Isaia 38:16

Than lö, ame möt at hnen ta je ûnyi eling, Ke e bi eû hnyin hia anyik möt: Anyin a wale ö u osoi nya me omeli nya.

Luka 23:43

Ke e ame ha kâu, ka habe, E hnathu inya oge me ha kâu, a hnyi bong ang u me he ka tha e mönya hnyi Paradaiso.

Ioane 1:4

E hu möt unyin; ke haba möt, me melaminy at.

Ioane 14:19

E okhulit biju ûen me ame ca he hmeledrany ka ö nya; ke öbun e he ka ö nya: anyin a oge me möt, me öbun e he minya ka möt.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 5:26

Anyin ae ka hu bi ge Kamen anyin möt, ke helâe e ame hna ka Nokon he ka hu gan möt:

Ioane 6:35

Me haingö Iesu ködra, ka habe, Inya ang aretoiny möt: haba at ame he ka o könya, me ame ca he hmetu ka mekihnânem, ke haba at ame he ka labageju könya, me ame ca he hmetu ka beic.

Ioane 6:44

E ba at ae khana he ka he könya, a ne ca lelo bi e hnen Kamen, a at a kunö nya: ke oge me he ka otilâ thö e hnyi bong a obiny.

Ta je huliwa 3:15

ke öbun e hlingâ Thaniny möt; wale hnen Khong hna omelö hmetu ûnyi hnyi hna mok; ke ohmun e ohnathoâ ûnyi e.

Roma 4:17

(helâ me hna sihnalimen, ka habe, Oge hia but wiö u hnân kamen ta je hnyei ae se hia) hnyi hnyimakan Khong, at ame omelö hmetu thö tavat adre mokcu, me hâiâ ta je ûnyi ae ba, helâke me e but ang.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

I. Korinito 15:18

Ke hiʼ ödra but minya tavat adre me mokut unyi Keriso.

I. Korinito 15:29

Ke hawa gadra adre bapataisoi ödra hnân hwaban tavat adre mokcu? ödra ka ca omelö hmetu thö tavat adre mokcu, hnân eû adre bapataisoi ödra me hwaban tavat adre mokcu?

II. Korinito 4:14

ke e khanʼ öhmun a haba at ame omelö hmetu Than Iesu, ame he kʼ omeli öhmun hmetu minya me Iesu, me tha omanenʼ öhmun mʼ öbun.

Filipi 1:23

Anyin oge me loloâ hnyi li ûnyi eang, ke haba wek bi, me he ka he but, e me tha inya me Keriso; wale so ae nua:

Filipi 3:10

mʼ oge me he ka wâhmakhmetoâ e, me maniny möt hmetu a e, me he ka tha hnyok mē hnyi vec, me tha ûcû më hnyi imekiny;

I. Thesalonika 4:14

Anyin ate ne ûnykûme a ga mokcu Iesu kʼ ame möt hmetu thö, awe, helâe minya ame he Khong ka tha hom më tavat adre me mokut ut unyi Iesu.

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.

Hna Omanenâ 20:5

Ke haba je kolon tavat adre me mokcu, me adre me ca möt hmetu bi ke ne o but ame bekhöt je huna a wan thauzan. Wale möt hmetu a bân.

Hna Omanenâ 21:4

ke e ame he ka kot degecâ ta je deköiö hia ûnyi hnyi ta je emaködra; ke ba hmetu bi mok; keʼ ba hmetu bi hnyok ae hmak, me tenge, me vec: a hia but ta je ûnyi a bân.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.