Ioane 11:24 - Iaai Bible 1901 (New Caledonia)

²⁴ Haingö Maretha kâu, ka habe, E khanö nya a gʼ ame he ka möt hmetu hnyi ûen möt hmetu hnyi bong a obiny.

Ioane 11:24 ပူးပေါင်းရင်းမြစ်များ

Salamo 17:15

Ke haba inya oge me he ka wâ hnyimâkâm hnyi hwakecin ae wisa: Ame he ka sekuk, iny ka hmak dö a tha helâ möu.

Isaia 25:8

E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 26:19

Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Hosea 13:14

Oge me he ka hûgûnʼ ödra ûnyi hnyi maniny erkemok; oge me he ka omeli ödra ûnyi ge mok: Mok lö, ewa ânyâm je ûokonguny? Erkemok lö, ewa hnâm hna ûhangö? adre me he ka ikhâlâ ietra ge li emakök.

Hosea 6:2

Hwaban lo li bong e ame he ka omeli öta: ke hnyi bong a kuniny e ame he ka höi öta, mʼ ate me he ka mot hnyi hnyimakan.

Luka 14:14

ke adre me he ka ohnahici u; anyin ae ca hu gadra ûnyi he ka bi hwaban hmetu köu: anyin adre me he ka bi hwaban köu hnyi ûen möt hmetu a tavat ae wisa hwakecidra.

Ioane 11:23

Iesu ame ha kâu, ka habe, Ame he ka möt hmetu hânâm.

Ioane 6:39

Ke walang weny at a kunö nya, o oge me ca he ka hna ke at gadra a ham könya, mʼ oge me he bi ka otilʼ ödra hnyi bong a obiny.

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Ta je huliwa 24:15

ke oge me geju ka Khong wale adre me kap minya, a gʼ ame he ka möt hmetu tavat ae wisa me tavat ae ca wisa bi.

Heberu 11:35

Haba omomo, me adre me kap je kokidra adre omelö hmetu thö: ke haba keihen adre me oveci ödra, ke adre me ca kap bi hna omelö; mʼ adre me he ka hu möt hmetu ae beönua: