Ioane 11:11 - Iaai Bible 1901 (New Caledonia)

¹¹ E ame ha hofuc eling, ke hwaban e, e ame ha kodra, ka habe, A mokut ut Lazaro a hanötin; ke oge me he bi nya ka ohmâkâ e hnyi hna mokut.

Ioane 11:11 ပူးပေါင်းရင်းမြစ်များ

II. Je Than 4:31

Ke ame bö Gehazi kʼ ame bilidra, me ip uci hon hnyimakan wanakat, ke ba hwan, ke ame ca long. Me e ame hmetu he ka ûkhanö mē, me ha kâu, ka habe, Ame ca hmak bi wanakat.

II. Man Ûlabainy Je Than. 20:7

Hawa Khonguhmun lö, ca u at ame obâ tavat adre me labā hnyei ang hnyi hnyimakan lakem a at Isaraela, me ham e ka mâtrâni Aberahama a hânâm nyiele balua?

Esodo 33:11

Ke Iehova ame fuc kö Mose ae ûcû hnyem, helâ me at ame ûhnenamö me waeny. Ke e ame he hmetu ka hnyi hna hunuma; ke kaba athnyabainy jia Josua noku Nuna, a bidröu, me ame ca he bi ûheny hnyin uma mano.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Mataio 27:52

ke ame memang ut ta je erkemok; ke se hia ta je unyin tavat ae kap a tavat adre me mokut, me adre me möt hmetu thö,

Mataio 9:24

me e ame ha ködrin, ka habe, Vese but öbun: a ca mok bi hlu, e ame mokut. Me adre me hluma e.

Mareko 5:39

Ke e ame didro me ha kodra, ka habe, Ieû gabun öbun e mede, me ûtengiö? a ca mokcu wanakat, kʼ ame mokut.

Ioane 11:10

Ke a ne he at hnyi hnyinghet, e ame he ka thö, anyin ae ba melam gan.

Ioane 11:12

Me ame ha laten, ka habe, Taböny Than lö, a ne mokut, e ame he ka möt.

Ioane 11:13

Haba Iesu ame ha a ga mokcu: ke ödrin e ûnykûme a gʼ ame ha ge mokut me menâ.

Ioane 11:3

Ke haba li lahaniny, me ödru me ûkhûnöng he ka ha kâu, ka habe, Taböny Than, mē wâ bi at u me betenge gan ame mok.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

Ta je huliwa 7:60

Ke e ame cibouca, me fuc hwege goranyai, ka habe, Than lö, ca bi hwaban kodra monu eang. Ke a hia but ha e, e ame mokut ut.

I. Korinito 15:18

Ke hiʼ ödra but minya tavat adre me mokut unyi Keriso.

I. Korinito 15:34

Hmak dö ka hwakecin ae wisa, ke ca mâdrâ bi hulö anyin ae ca khana bi keihen Khong: inya oge me ha hnân ohmehmʼ öbun.

I. Korinito 15:51

Wâ bi, inya oge me ha köbun ûnyi ae iyong, ka habe, ate me ca he hia ka mokut, ke adre me he ka wiʼ öta,

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

I. Thesalonika 5:10

waleji a mok hobi köta, mʼ ate me he ka tha möt më, at ka hmak, ke at ka mokut bi.

Iakobo 2:23

me ame hwâdâ thö hofuc adre sit, ka habe, Aberahama ame labageju ka Khong, me adre me hâiâ e kâu hnân hwakecin ae wisa; me adre me hwenyi ien e, ka habe, Ihuminy Khong.