Ioane 10:38 - Iaai Bible 1901 (New Caledonia)

³⁸ Ke o ge ne mâdrâ, eja ke ne öbun e ca köp nya, kap bi thʼ öbun ta je huliwa: mʼ öbun e he ka wâhmakhmeto me wâ ûnykûme a gʼ ame laba Kamen eû hnyik, ke inya eû hnyin Kamen.

Ioane 10:38 ပူးပေါင်းရင်းမြစ်များ

Ioane 10:25

Iesu ame thu kodra, ka habe, Oge hia but ha köbun, ke öbun e ca kap: haba ta je huliwa oge me ânyâ hnyi iö Cica, wale thibi e hnân ohnathu nya.

Ioane 10:30

Haba inya me Kamen, me ohmu khaca thibi.

Ioane 11:4

A long ut; Iesu, me e ame ba, ka habe, Ame ca he ka mekiny mok ang, ke so bi hnân ogânâ Khong, mʼ adre me he minya ka ogânâ Nokon Khong hnen e.

Ioane 14:20

Öbun e he ka wâ hnyi bong eling a inya eû hnyi hnyi Cica, ke öbun eû hnyi hnyik, ke inya eû hnyi hnyibun.

Ioane 17:11

Ke oge me ca he hmetu ka laba eang hmeledrany, ke ödrin e he biju ka laba eang hmeledrany, ke inya oge me he but köu. Kamök ae kap lö, tuʼ ödrin ju hnyi iâm waleji u je ham könya, mʼ ödrin e khaca thibi helâ me ötu.

Ioane 3:2

ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.

Ioane 5:36

Ke hu but gak hnân ohnatho ae beönua hu Ioane: anyin a haba ta je huliwa a ham könya Kamen he ka ânyâ, me wale ta je huliwa oge me ânyâ hnân ohnathu nya a ga kunö nya Kamen.

Ta je huliwa 2:22

At Isaraela lö, long ju öbun hofuc ang: Haba Iesu at Nazareta, at a ohnathoâ köbun hnen Khong ge je huliwa ae gan me je ûöman me je haten, waleji hnen Khong hna ânyâ ûnyi gan hnyi wanböbun, ke manen e köbun;

I. Ioane 3:24

Ke haba at ame löng hoton anyin ta je hnanyibu, me ame laba eû hnyi hnyekon, ke e minya eû hnyi hnyekon. Ke hnen bi e, me ate me wâhmakhmeto a e ame laba eû hnyi hnyekuta, ûnyi ge Hanu e ame ham köta.