Ioane 10:33 - Iaai Bible 1901 (New Caledonia)

³³ Haba at Juda adre me thu kâu, ka habe, Ohmun e ca lûö u can huliwa ae so, ke can bi bi gan; ke can minya anyin a u at, ke u me wiö u bi thö me Khong.

Ioane 10:33 ပူးပေါင်းရင်းမြစ်များ

I. Je Than 21:10

ke ip ju li at a li at Belial hnyi hnyimakan, he ka bi fuco e, me ha, ka habe, U je bi gan ka Khong me than. Me hwaban thö e, hom dö e, me lûâ ge veto me me mokcu.

Salamo 82:6

Haingök, ka habe, Öbun je khong, Ke öbun hia je lakon Beönua.

Levitiko 24:14

Hom but at waleji a ûhangö hoton hnyaba ai; ke hamödrin hnyat odrin e löng he ka ip je hnyamödrin bon ban, kʼ ame he ûkhacaköu hia ka lûâ e ge veto.

Levitiko 24:16

Ke haba at ame hakongoâ iö Iehova, me adre me he ka hlingâ; kʼ ame he ûkhacaköu hia ka lûâ e ge veto; ame ne atkanyua, ame ne aten hnyei, e ka haikongoâ iö Iehova, me adre me he ka hlingâ.

Ioane 10:24

Me ame ûkhacaköu igigilo e at Juda me ha kâu, ka habe, U me he bi ka ololoi öhmun ke ne o but kehö? A ne u Keriso, ha manenâ köhmun.

Ioane 10:30

Haba inya me Kamen, me ohmu khaca thibi.

Ioane 10:32

Ke Iesu ame thu ködra, ka habe, E se hia ta je huliwa ae so oge hia but omanenâ köbun ûnyi ge Kamök; can ie huliwa öbun e lûö nya gan?

Ioane 19:7

Ame thu kâu at Juda, ka habe, E hu anyihmun hnanyibu, ke ûcû kâu he ka mok hnyi hnanyibu eling, anyin a e ame ka hâiâ e me Nokon Khong.

Ioane 5:18

Waleling me ti hwege at Juda he ka heleû deny he ka hlingâ e, ca ûnyi thibi ge hnen hna hanyâûâ sabath, ke anyin minya bi e ame ha, ka habe, haba Khong, me hing Kamen, kʼ ame oûco e me Khong.

Roma 13:1

E SO ka tavat hia he ka long hoton ta je musi ae gan: anyin ae ba ke musi a ca ûnyi ge Khong; haba Khong ame otilâ ta je musi ehele.

Filipi 2:6

ka habe, khaca thibi bongon me Khong, ke ame ca ûnykûme a gʼ ame venöu, wale he ka oûco me Khong,