Ioane 10:16 - Iaai Bible 1901 (New Caledonia)

¹⁶ E hu minya ke ta je mamoe a halek, a ca hanen kak ang: ke ûcû könya he ka hum ödra minya, ke adre me he ka long ifucik; me me khaca thibi hnahat mamoe, ke khaca thibi at ame tuö.

Ioane 10:16 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 86:9

Than lö, ame he ta je hnyei hia thithö u je op ka o me khudrung ju hnyi hnyimâkâm, Me adre me be ka ogânâ iâm.

At Khet 12:11

Haba je hofuc hwan at ae metâ, me helâ me ûnyi hnân dö bolok, ke haba ta je hofuc hwan je homakan ta je ûkhacaköu, me helâ me je fao adre me ti ohmâ, a ham ge at a khaca a at tuö mamoe.

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Ezekiela 34:12

Haba at tuö mamoe ame elam hnahat haleny hnyi ûen e ame tha e me hnahat haleny mamoe adre vese, helâe oge me he ka elâm halek hnahat mamoe, ke oge me he ka hum ödra ûnyi hnyi je dok hia waleji adre vese ka hnyin, hnyi bong ae khömet me menekholom.

Ezekiela 34:23

Ke oge me he ka otilâ hudra ke at tuö mamoe e khaca, me e ame he ka ba ödra, a athnyabaik Davita; ke hamen he ka ha ödra; ke e at tuö mamoe kodra.

Ezekiela 34:6

Haba halek je mamoe adre me he monu hon je bucen me je hut hia ae gorany: eke, ame vese thö halek ta je mamoe hon hmeledrany hia thithö; ke ba at ame elâm me hnö.

Ezekiela 37:22

ke oge me he ka wiʼ ödra hnân hnyei a khaca hnyi kânâ, hnyi je bucen Isaraela: kʼ ame he than a khaca ka tuhödra hia: kʼ adre me ca he hmetu ka lo li hnyei, ke adre me ca he hmetu bi ka kia luâ me me lo li dokhu:

Ezekiela 37:24

Ke ame he Davita athnyabaik ka bi tuhödra; ke ame he ka khaca at ama tuhödra helâ me hnahat mamoe: kʼ adre me he ka vheno hnok je hna owisa, me tuö anyik je hnanyibu, me ânyâ.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Luka 15:8

Ke ewa momo ae hu gan je mone a ten, ke a ne hia but khaca, ame ca he ka vâc lamepa, me aba uma, me elâm wia ke ne o but ame wâ ju e?

Ioane 10:11

Inya ang at ame tuö wia ta je mamoe: haba at ame tuö wia je mamoe, me e ame ham anyin möt hnân singiny ta je mamoe.

Ioane 10:2

Ke haba at ame dit hnyi homagöule e thibi at ame tuö mamoe.

Ioane 10:27

A long ut halek ta je mamoe ifucik, ke oge me wâhmakhmetu ödra, ke adre me he hotuk:

Ioane 10:3

Ame khong ut kâu hnen at ame tuö homagöule; ke haba ta je mamoe, me adre me long ifucin: ke e ame hawâ ien haleny ta je mamoe, me hum ödra but hnyou ai.

Ioane 10:4

E ka hia but hna haleny je mamoe hnyou ai, e ame bân, ke haba ta je mamoe adre me he hoton: anyin adre me long hmakhmetoâ ifucin.

Ioane 10:5

Adre me ca he ka he hoton atkanyua ke adre me he ka kec gan: anyin adre me ca long hmakhmetoâ ifucin ta je atkanyua.

Ioane 11:52

ke ca hake hnân hnyei eling, ke so bi mʼ adre me ûkhacaköu lakon Khong adre vese, mʼ adre me khaca thibi.

Ioane 17:20

Ke oge me ca hic hnân hobi ködrin thibi, ke hobi kodra minya tavat adre me labageju könya ûnyi ge hodrin ta je hofuc;

Ioane 6:37

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Ta je huliwa 15:14

Haba Simona ame hia but omanenâ hnen Khong hna senâ bânâ Aten ta je hnyei, he ka hom ûnyi gadra hnyei hobi kâu ien.

Ta je huliwa 18:10

anyin a inya unyâm ke ba at ame he ka utut he ka okongu u: anyin ae se hia ta je latök hnyi taun ang.

Ta je huliwa 22:14

Ke haingen ame ha, ka habe, Haba Khongon lakamöta a ûcö u me u me he ka wâhmakhmetoâ weny, me wâ At ae Wisa, me long hofuc ûnyi hnyi hnyimen.

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

II. Thesalonika. 2:13

Ke hamöhmun he ka oleâ bala bi gabun, hnyat me lakeiny a laoûnykûminy Than, anyin a Khong ame ûcʼ öbun ûnyi hnyi can he ka möt, hnyi hna okabâ hnen Hanu, me he ka kap hnathu.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

I. Peteru 2:10

waleji a ca aten dokhu ehac, ke aten bi dokhu dokhon Khong walang ang: waleji a tavat adre ca betenge gadra, ke adre betenge bi gadra walang ang.

I. Peteru 2:25

Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.

Hna Omanenâ 3:20

Wâ bi, inya oge me tot hnyi hwanuma me seseto: e ka hu at ame löng ifucik me khong ut hwanuma, me oge me he ka didro kâu, me tha han mē, ke tha e mönya.