Ioane 10:1 - Iaai Bible 1901 (New Caledonia)

¹ E HNATHU, e hnathu, inya oge me ha köbun, haba at ame ca hnyi dit hnyi homagouleny haginy mamoe, ke ame ölö bi ka hnyi ke gethen, e thibi at ae hok ta ûnyi me venöu.

Ioane 10:1 ပူးပေါင်းရင်းမြစ်များ

Jeremia 14:15

Anyin a wale walang hna ha hnö Iehova ge ta je perofeta, tavat adre me perofeta hnyi iök, ke oge ca kunʼ ödrin, ke so bi, ödrin e ha, ka habe, Ame ca he ka hu hele vat me hmiâ hnyi hnyei ang: Awe, adre me he ka ohia je perofeta eling ge hele vat me hmiâ.

Jeremia 23:21

Oge ca kunâ je perofeta e, ke so bi, adre me wadring: oge ca fuc kodra, ke so bi, adre me perofeta.

Jeremia 23:32

Wâ bi, ûcûk ta je perofeta tavat adre me bwi thoi, haingö Iehova, wale tavat adre me ha bi me omono lakeik hnen anyidra ta je thoi, me hwakecidra ae hop: ke oge me ca kunʼ ödra me hûna kodra; ke ame he ka ba troban ka hnyei ang ûnyi gadra, haingö Iehova.

Joela 2:9

Adre me utut ka hnyi taun; adre me wadring hon hak veto; adre me ölö ka hnyi hnyin je uma; kʼ adre me didro hnyi je mamalama helâ me at venöu.

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

Ioane 10:7

Haba Iesu ame ha hmetu ködra, ka habe, E hnathu, e hnathu, inya oge me ha köbun, ka habe, Inya ang homagöule hobi kâu ta je mamoe.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Roma 10:15

ke adre me he ka kâmâu ka khet, kʼ adre me ca kunʼ ödra bi? helâ me hna sihnalimen, ka habe, Shaiba ge soiny je li cadra adre me hom je ûthumetu ae so onyen!

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

Tito 1:11

e ûcû he ka hlöng je hnyimödra; tavat adre me wia monoâ ta je hnyaba hia, me ûnö ta je ûnji ae ca ûcû bi, me me hu gadra ta ûnyi.

Heberu 5:4

Ke ba at ame hom bâûâ hanymen eling ae meic, ke so thibi at ame hawâ hnen Khong helâ me hna hawo Arona.

I. Peteru 1:10

Ame elâm me hnö möt eling hnen ta je perofeta, tavat adre perofeta ibetengiö baû ame he ka o köbun:

II. Peteru 2:1

KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.