Ioane 1:51 - Iaai Bible 1901 (New Caledonia)

⁵¹ Ke e ame ha kâu, ka habe, E hnathu, e hnathu, inya oge me ha köbun, ka habe, Öbun e he bi ka wâ drany adre khong, me ta je angela anyin Khong adre me he ka ölö thö me utut hon Nokon at.

Ioane 1:51 ပူးပေါင်းရင်းမြစ်များ

Genese 28:12

Ke e ame bwi, me wâ bi ke wacûat adre otilâ hon kânâ, kʼ ame kâlâ thö ethö drany ke hnyiban e: ke wâ bi ame ölö me utut hnyin ta je angela anyin Khong.

Ezekiela 1:1

HNYI huna a thote, hnyi tehi a vakiny, ke hnyi bong a thabûnginy tehi, ke tha inya me je bâ hnyi wagewe Kebara, me ame hmouca but drany, me oge me wâ je hna omanenâ ûnyi ge Khong.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mataio 26:24

Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.

Mataio 3:16

A hia but bapataisoi Iesu, me e ame ölö thö ûheny hnyi köiö: ke wâ bi adre me khong ut kâu drany, ke e ame wâ Hanon Khong ame gâ but kâu helâ me biny, me o hnyi hon;

Mataio 4:11

Me haba diabolo ame hna but e; ke wâ bi, ame o thö ta je angela me bi athnyabainy.

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mataio 9:6

Ke so bi möbun e he ka wâ ae tren man Nokon at eang hmeledrany he ka thang ta je hulö (me e ame ha ka at ae mat, ka habe) Todrö, hom minya thö hnâm me he thö ka hnyi umâm uma.

Mareko 1:10

Ke e ame tiga ölö thö ûheny hnyi wagewe, me e ame wâ drany adre me khong ut, me Hanu ame gâ hon e helâ me biny:

Mareko 14:62

Haingö Iesu ame ha, ka habe, Inya ang: ke öbun e he ka wâ Nokon at ame laba hnyi ke keihen metân man ame tha he me ta je ûlâiny drany.

Luka 2:13

Me ame ie tha e me angela tavat ae se hia ûnyi hnyi drany, adre me ogânâ Khong me ha, ka habe,

Luka 2:9

Ke ame tot unyidrin angela anyin Than, me ame umumelam igigili ödrin melaminy Than, me ödrin e ot gan hmâ.

Luka 22:43

Me ame manen dut kâu angela ûnyi hnyi drany ame owhegiâ e.

Luka 22:69

ke hwân dö ang ke ne o but nyiele, ame he Nokon at ka laba hnyi ke keihen a metân man maniny Khong.

Luka 24:4

Ke ödrin e tiga loloâ, wâ bi, li at ödru me tot unyidrin, kʼ ödre khavâ je ûkhaû ae hadröngoc:

Luka 3:21

Ke a hia but bapataisoâ tavat hia thithö me e ame bapataisoi Iesu minya, ke e ame hic, me ame khong ut drany,

Ioane 1:50

Haba Iesu ame thu me ha kâu, ka habe, U me labageju anyin a oge me ha köu, ka habe, Oge me ö u hnyi hmelen imeta? u me he bi ka wâ ta je ûnyi ae gan hon e.

Ioane 10:1

E HNATHU, e hnathu, inya oge me ha köbun, haba at ame ca hnyi dit hnyi homagouleny haginy mamoe, ke ame ölö bi ka hnyi ke gethen, e thibi at ae hok ta ûnyi me venöu.

Ioane 10:7

Haba Iesu ame ha hmetu ködra, ka habe, E hnathu, e hnathu, inya oge me ha köbun, ka habe, Inya ang homagöule hobi kâu ta je mamoe.

Ioane 13:16

E hnathu, e hnathu, inya oge me ha köbun, ka habe, E ca gan aten hon tuhan; ke ca gan minya at adre kunâ hon at a kunâ e.

Ioane 13:38

Iesu ame thu, ka habe, Hawa u me he ka ham ânyâm möt hobi könya? E hnathu, e hnathu, inya oge me ha köu, ka habe, Ame tiga ca he bi ka kokok khoto, me u me he bi ka ibi okun ivinö nya.

Ioane 14:12

E hnathu, e hnathu, inya oge me ha köbun, Haba at ame labageju könya, me e ame he ka ânyâ minya ta je huliwa oge mâdrâ; ke ame he ka ânyâ ta je huliwa ae gan hon e; anyin a inya oge me he ka Kamen.

Ioane 16:20

E hnathu, e hnathu, inya oge me ha köbun, ka habe, öbun e he ka tenge me tenge thungaû, kʼ ame he hmeledrany ka senyin: öbun e he ka hlöuhlöu, kʼ adre me he ka wia anyibun hlöuhlöu me me senyin bi.

Ioane 16:23

Ke ba ûnyi öbun e he ka hnö gak hnyi bong eling. E hnathu, e hnathu, inya oge me ha köbun. Haba ta je ûnyi hia öbun e he ka sumâtâ ge Kamen, me e ame he ka ham köbun ûnyi hnyi iök.

Ioane 21:18

E hnathu, e hnathu, inya oge me ha köu, ka habe, Hnyi ânyâm hidröu, u me ka hamâm bi oweikö u, me he ka hnyi dok u me wem; ke u ka hingat ut, u me he ka inâ li hnyamâm, kʼ ame he ke at ka oweikö u, me hum u ka hnyi dok u me ca wem.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Ioane 5:19

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.

Ioane 5:27

ke e ame ham minya kâu man he ka hnei, anyin a e Nokon at.

Ioane 6:26

Haba Iesu ame thu ködra, ka habe, E hnathu, e hnathu inya oge me ha köbun, öbun e ca elöm nya anyin öbun e wâ ta je ûöman, ke anyin bi öbun e han areto me ame sekubun dö.

Ioane 6:32

Me haba Iesu ame ha ködra, ka habe, E hnathu, e hnathu inya oge me ha köbun, ka habe, A ca ham köbun areto ûnyi hnyi drany ga Mose; ke so bi Cica ame ham köbun hing areto ûnyi hnyi drany.

Ioane 6:47

E hnathu, e hnathu, inya oge me ha köbun, ka habe, Haba at ame labageju, me hu but kâu möt ame ca ba balua.

Ioane 6:53

Haba Iesu ame ha kodra, ka habe, E hnathu, e hnathu, inya oge me ha köbun, ka habe, Öbun e ne ca an unyin Nokon at, me ijem dren, me ca hu möt bi eû hnyi je hnyekubun.

Ioane 8:34

Iesu ame thu kodra, ka habe, E hnathu, e hnathu, inya oge me ha köbun, ka habe, haba at ame he ka mâdrâ monu e ame bi aten hulö.

Ioane 8:51

E hnathu, e hnathu, inya oge me ha köbun, ka habe, a ne hu at ame he ka vheno hok hofuc, me e ame ca he ka wâ mok nyiele balua.

Ioane 8:58

Haingö Iesu kodra, ka habe, E hnathu, e hnathu, inya oge me ha köbun, ka habe, Iny at kâû adrem, ke tiga hiö Aberahama.

Ta je huliwa 10:11

me e ame wâ drany adre khong, me tang ame utut, helâ me mano ae gan adre j me hnahna ka hnyi hmeledrany hnyi ta ʼ baten a vak:

Ta je huliwa 7:56

me haingen, ka habe, Wâ bi, inya oge me wâ drany adre khong, me Nokon at ame tot hnyi ke keihen a metân Khong.

II. Thesalonika. 1:7

ke öbun tavat adre ovecâ, öbun e he ka tha menâ möhmun, e ka manen dut Than Iesu ûheny hnyi drany tha e me ta je angelainy maniny man

II. Thesalonika. 1:9

tavat adre me he ka kap hwaban, wale hnaûhango ame ca ba balua ûnyi hnyi hnyimakan Than me hmanenanginy maniny man,

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

Juda 1:14

Ke haba Enoka, waleji a seveniny hwân ga Adamu, ame perofeta minya ka tavat ang, ka habe, Wâ ju ame he ka o Than tha e me anyin wakap a je ten thauzan,

Hna Omanenâ 19:11

Ke oge me wâ drany adre khong; ke wâ bi hors ae hau, ke haba li ien at ame tabâ e me Wisa me Hnathu; ke e ame hnei me vat hnyi hwakecin ae wisa.

Hna Omanenâ 4:1

HWABAN ta je ûnyi e, oge me wâ, ke wâ bi adre bia but khong hwanumen drany, ke haba hofuc a bân oge me löng helâ me hwan khoto ame fuc könya, me ha, ka habe, Ölö thö kââng, me oge me he ka omanenâ köu ta je ûnyi ame he ka o nyiele.