Ioane 1:50 - Iaai Bible 1901 (New Caledonia)

⁵⁰ Haba Iesu ame thu me ha kâu, ka habe, U me labageju anyin a oge me ha köu, ka habe, Oge me ö u hnyi hmelen imeta? u me he bi ka wâ ta je ûnyi ae gan hon e.

Ioane 1:50 ပူးပေါင်းရင်းမြစ်များ

Mataio 13:12

Anyin adre me he ka ham ka at ae hu gan, me me he ka tren gan hmâ: ke adre me he ka hom ge at ae ca hu gan bi, ûnyi e ame hu.

Mataio 21:19

Me e ame wâ imeta hnyi baten gethen, me e ame he kâu, ke ba wan e ame wâ, ke je lan thibi; haingen kâu ka habe, U me ca he hmetu ka wa nyiele balua. Me ame ie meleca thö imeta.

Mataio 25:29

Anyin adre me he ka ham kodra hia tavat ae hu gadra, me me se hia but gadra: ke haba at ae ba adre me he ka hûgûnâ gan ûnyi e ame hu.

Luka 1:45

Hnahic hnen momo ame labageju; anyin ame he ka hwâdâ ta je ûnyi hia thithö adre ha kâu ûnyi ge Than.

Luka 7:9

A long ut Iesu ta je ûnyi e, me e ame lâiâ, me hwio me ha ka tavat ae se hia adre me he hoton, ka habe, Oge me ca wâ bi hnyi Isaraela labageju ae gan helâe.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 1:51

Ke e ame ha kâu, ka habe, E hnathu, e hnathu, inya oge me ha köbun, ka habe, Öbun e he bi ka wâ drany adre khong, me ta je angela anyin Khong adre me he ka ölö thö me utut hon Nokon at.

Ioane 11:40

Iesu ame ha kâu, ka habe, Oge ca ha köu, ka habe, U je ne he ka labageju, me u me he ka wâ hmanenanginy Khong?

Ioane 20:29

Iesu ame ha kâu, ka habe, U me labageju anyin a u je ō nya: hnahic hnen tavat adre me labageju, kʼ adre me ca munyi wâ.