Ioane 1:45 - Iaai Bible 1901 (New Caledonia)

⁴⁵ Filipo ame ō Nathaniela, me e ame ha kâu, ka habe, Ohmun e wâ but hna sihnalimen hnö Mose hnyi hnanyibu me ta je perofeta minya, wale Iesu at Nazareta, nöku Josefa.

Ioane 1:45 ပူးပေါင်းရင်းမြစ်များ

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 53:2

Anyin a e ame kû tot hnyi hnyimakan helâ me bâtân, ke helâ me wân ûnyi hnyi kânâ ae atgec: e ba anyin hmanenang, ke ba meciny; ke ate me wâ e, me ba hmanenang gan mʼ ate me he ka weta.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Zakaria 6:12

ke u me he ka ha kâu, ka habe, Walang hna ha hnö Iehova tuhan sabaoth, ka habe, Wâ bi at, haba ien, me Khûen; ke e ame he ka kû ûnyi hnyi hnen me op uma umo Iehova:

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Mataio 10:3

ke Filipo, ke Batolomaio, ke Toma, ke Mataio a telona, ke Iakobo nöku Alefaio, ke Thadaio,

Mataio 13:55

Hawa, ca nokon bi at tretrau? ke ca Maria bi ien hinyen? ke hawa, ca je liamekeiny mē jia Iakobo, me Josefa, me Simona, me Juda?

Mataio 2:23

me o thö ka hnyi taun a Nazareta ien me laba ju eling: me me hwâdâ thö hna ha ge ta je perofeta, ka habe, Adre me he ka hâiâ e, me e at Nazareta.

Mataio 21:11

Me ame ha tavat ae se hia, ka habe, Walang perofeta a Iesu ûheny Nazareta hnyi Galilaia.

Mareko 14:67

ke e ame ö Peteru ame hlök, me e ame wâhmâ e, me ha kâu, ka habe, U minya ji unyin at Nazareta jia Iesu.

Mareko 6:3

Ca at tretrau at ang, wale nöku Maria, ke liamekeiny me Iakobo, me Jose, me Juda, me Simona? ke hawa, ca e bi ang unyita je lahaniny hia? Me adre me thö thö gan.

Luka 18:37

Ke adre me thumeto e a gʼ ame he thö Iesu at Nazareta.

Luka 2:4

Me ame he minya but Josefa ûheny hnyi taun Nazareta hnyi Galilaia, ame he Juda ai, ka hnyi taun anyi Davita, Betheleema ien, anyin a e hanen lap me mâtrâni Davita;

Luka 2:48

Ke Ödru me wâ e, me ödru me lâiâ: ke haba hinyen ame ha kâu, ka habe, Nokuk lö, ieû gam u je helâe köhmu? wâ bi, inya me kâmâm ohmu me elöm u, kʼ ohmu tenge.

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Luka 24:44

Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.

Luka 3:23

Ke haba Iesu hnyi ûen e ame hwân he ka huliwa, me helâke me thote but hunainy, e nöku Josefa (hnödra hna ha helâe), mâtrâni Heli,

Luka 4:22

Me: haba ödra hia adre me haisoâ e, kʼ adre me lâiâ ta je ifucin ae so ame khulu but ûnyi hnyi hnyimen: haingödra, ka habe, Hawa, ca nöku Josefa at ang?

Ioane 1:44

Haba Filipo, me at Bethesaida, wale taun ga Anederea me Peteru.

Ioane 12:21

me adre me he but kö Filipo at Bethesaida hnyi Galilaia, me hnö e, ka habe, Taböny, ohmun be hnyi ō Iesu.

Ioane 14:8

Haingö Filipo kâu, ka habe, Taböny Than, omanenâ thö kohmun Kamen, me me soju köhmun.

Ioane 18:5

Adre me thu kâu, ka habe, Iesu at Nazareta. Iesu ame ha kodra, ka habe, Inya ang. Ke haba Juda at ame alecuâ e, ame tha tot mödra.

Ioane 18:7

Me e ame hnei ödra hmetu, ka habe, Ia öbun e elâm? Ke adre me ha, ka habe, Iesu at Nazareta.

Ioane 19:19

Ke haba Pilato ame set tusi me ip hon satauro. Ke walang hna sihnalimen, ka habe, IESU AT NAZARETA, TUHAN AT JUDA.

Ioane 21:2

Ame ûkhacaköu thö Simona Peteru, me Toma ke ien Didumo, me Nathaniela at Kana hnyi Galilaia, me li laku Zebedaio, me ke li aten minya.

Ioane 6:42

Haingödra, ka habe, Hawa, ca Iesu e, nöku Josefa, ke khanʼ ota kamen me hinyen? a hawa hofuc e ame ha, ka habe, Ogo me utut ûhek hnyi drany?

Ioane 6:5

Iesu ame bwele thö, kʼ ame wâ tavat ae se hia hmonyin adre me he but kâu, me e ame ha kö Filipo, ka habe, Otin e he ka ûcû areto ua, mʼ adre me he ka han?

Ioane 6:7

Haingö Filipo kâu, ka habe, E ca ûcû bi kodra je areto a hwaban lo li haded je denari, me me ve ûcû ködra ong jeû ae ûhnyûkong.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 2:22

At Isaraela lö, long ju öbun hofuc ang: Haba Iesu at Nazareta, at a ohnathoâ köbun hnen Khong ge je huliwa ae gan me je ûöman me je haten, waleji hnen Khong hna ânyâ ûnyi gan hnyi wanböbun, ke manen e köbun;

Ta je huliwa 22:8

Me oge me thu, ka habe, Than lö, u ia? Me e ame ha könya, ka habe, Inya Iesu at Nazareta at u me labö okongoâ.

Ta je huliwa 26:9

E hnathu, haba ehac oge me ûnykûme a e ûcû könya he ka mâdrâ ta je ûnyi ae se he ka ûö bi ûnyi me iö Iesu At Nazareta.

Ta je huliwa 3:6

Ke haba Peteru ame ha, ka habe, E ba gak sileva me gol, ke oge me be ka ham köu hnok hna hu. Hnyi iö Iesu Keriso at Nazareta, he thö u.