Ioane 1:34 - Iaai Bible 1901 (New Caledonia)

³⁴ Ke oge hia but wâ me ohnatho, a e thibi Nokon Khong.

Ioane 1:34 ပူးပေါင်းရင်းမြစ်များ

Salamo 2:7

Oge me he ka omanenâ hnanyibu: Haingö Iehova könya, ka habe, U thibi nokuk; Oge hnöku u hnyi bong ang.

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Mataio 16:16

Haba Simona Peteru ame thu me ha, ka habe, U thibi Keriso a Nokon Khong ae möt.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 26:63

Ke baba Iesu ame laba hnyibû, Me haba at bihut ae nua ame ha kâu, ka habe, Inya oge me hûna hwegiâ köu ge Khong ae möt, mʼ u me he ka ha kohmun, ka habe, U thibi Keriso a Nokon Khong, hawa?

Mataio 27:40

me ha, ka habe, E, u at ama kia uma kap, me otilâ hmetu hnyi kun ta bong, omeli u thö: u je ne Nokon Khong utut ûhem hnyi satauro.

Mataio 27:43

E ame labageju ka Khong; e so e he ka omelö e walang ang, e ka weny e: anyin a e ame ha, ka habe, Inya ang Nokon Khong.

Mataio 27:54

Ke haba keneturio, me tavat minya unyin, wale hnyat adre me tuö Iesu, ödrin e wâ hwiöi, ke ta je ûnyi adre me ânyâ, me ödrin e ot gan hmâ, me ha, ka habe, E hnathu Nokon Khong at ang.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Mataio 4:3

Me ame o but kâu at ame ûcûbic, me ha, ka habe, U je ne Nokon Khong, ha thö, me me areto but je veto ang.

Mataio 4:6

ke ha kâu, ka habe, U je ne Nokon Khong, utut: anyin adre sihnalimen, ka habe, E ame he ka hûna anyin ta je angela hnân hobi köu: Kʼ adre me he ka kap tilö u ge je hnyamödra, Wâ e nye thö thö hnyeûcam hnyi veto.

Mataio 8:29

Ke wâ bi ödru me kuku goranyai, me ha, ka habe, Ieû gam köhmu Iesu a Nokon Khong? u je o but ang he ka oveci ohmu, ke tiga ca ûen bi?

Mareko 1:1

WALANG hwâniny ûthumetu ae so anyi Iesu Keriso, a Nokon Khong.

Mareko 1:11

me ame o but hwan hofuc ûnyi hnyi drany, ka habe, U thibi Nokuk a oûnykûmik, inya oge me senyin köu.

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Luka 3:22

me ame olo but kâu Hanu kap hnyi unyin, helâ me biny, ke ame o but hofuc ûnyi hnyi drany, ka habe, U thibi Nokuk a oûnykûmik; oge me senyin köu.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 10:30

Haba inya me Kamen, me ohmu khaca thibi.

Ioane 10:36

öbun e ha gan, wale hnen Kamen hna okabâ, me kunâ ka hnyi hmeledrany, ka habe, U me bi gan; anyin oge me ha, ka habe, Inya ang Nokon Khong?

Ioane 11:27

Haingen ame ha kâu, ka habe, Eke Than, inya oge hia but kap a u thibi Keriso a Nokon Khong, ame he ka o eang hmeledrany.

Ioane 19:7

Ame thu kâu at Juda, ka habe, E hu anyihmun hnanyibu, ke ûcû kâu he ka mok hnyi hnanyibu eling, anyin a e ame ka hâiâ e me Nokon Khong.

Ioane 20:28

Haba Toma ame thu kâu, ka habe, Tuhok me Khonguk.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 6:69

Ke ohmun e hia but labageju me wâhmakhmeto a u thibi At ae Kap anyin Khong.

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

II. Korinito 1:19

Anyin a haba Nokon Khong, a Iesu Keriso, waleji öhmun e khetâ köbun, a inya me Silevana, me Timoteo, me ca eke, me e ba, ke ûnyi gan bi, ka habe, eke.

Heberu 7:3

ae ba kamen me hinyen, ke ba minya deo lakiben, ke ba minya hwân ta je bonginy, ke ba minya obiny möt, ke adre oûco me Nokon Khong), me, e at bihut bala bi.

I. Ioane 2:23

Haba at ame ivinoâ Nokon, me hia but Kamen unyin: ke haba at ame haimemenâ Nokon, me e but unyin minya Kamen.

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

I. Ioane 4:9

Adre hia but omanenâ köta ibetengiö anyin Khong, waleji hnyi hnen Khong hna kunâ ka hnyi hmeledrany Nokon a khaca, mʼ ate me he ka möt ûnyi gan.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

II. Ioane 1:9

Haba at ame ûne kʼ ame ca tethmâ hnyi hna ûne anyin Keriso, me Khong ame ca laba unyin: ke haba at ame tethmâ hnyi hna ûne anyin Keriso, me hu but gan Kamen me Nokon minya.

Hna Omanenâ 2:18

Ke sihnalimen ju ka angela anyin ekalesia hnyi Thuataira, ka habe, Walang ta je ûnyi ame ha hnen Nokon Khong, at ae hu li ecmak helâ me bâhlân meic, ke helâ me bras ae hadröngöc li can: