Ioane 1:21 - Iaai Bible 1901 (New Caledonia)

²¹ Me adre me hnö e, ka habe, Ke ieû bi? U Elia? Haingen ka habe, Ohe. U perofeta? E ame thu, ka habe, E ba.

Ioane 1:21 ပူးပေါင်းရင်းမြစ်များ

Malaki 4:5

Wâ bi, oge me he ka kunö Elia perofeta köbun e ka tiga ca o bi bong bongu Iehova bong ae gan ke hnân outen.

Mataio 11:14

Ke a ne webun he ka kap, wale Elia, at ame he ka o.

Mataio 16:14

Haingödrin, ka habe, Haingen keihen, Ioane Bapataiso; ke haingen keihen, Elia: ke haingen keihen Jeremia, ame ne ke at hnyi ta je perofeta.

Mataio 21:11

Me ame ha tavat ae se hia, ka habe, Walang perofeta a Iesu ûheny Nazareta hnyi Galilaia.

Luka 1:17

Ke e ame he ka bân hnyi hnyimakan hnyi hanu me man mani Elia, he ka ohmeto hnyekon ta je kamen ka lakudra, me tavat adre hwen höcö ka hnyi metâ anyin tavat ae wisa; me me he ka ânyâwia tavat adre penapena hobi kâu Than.

Ioane 1:22

Anyin a wale adre me ha kâu, ka habe, Kʼ u ia bi? mʼ ohmun e he ka ha ka tavat adre kunʼ ohmun. Ieû hwâm gam bi?

Ioane 1:25

Ke adre me hnö e me ha kâu, ka habe, Ieû gam u me bapataiso, kʼ u ca Keriso bi, ke ca Elia bi, ke u ca perofeta minya bi eling?

Ioane 6:14

A wâ but hnen tavat ûöman a ânyâ, me adre me ha, ka habe, E hnathu, walang perofeta adre me ha a gʼ ame he ka utut ka hnyi hmeledrany.

Ioane 7:40

Haba keihen tavat ae se hia, hnyi ûen adre me long ta je hofuc e, me haingödrin, ka habe, E hnathu, perofeta at ang.