Ioane 1:17 - Iaai Bible 1901 (New Caledonia)

¹⁷ Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 1:17 ပူးပေါင်းရင်းမြစ်များ

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Salamo 85:10

A ûkhanö thö ibetengiö me hnathu; A ûcimhnyimak dö wisa me ûsoköu.

Salamo 98:3

E ame hia but ûnykûme anyin ibetengiö me anyin hnathu ka lap anyi Isaraela: A hia but wâ hnen je can hmeledrany hia ûhomeli anyin Khonguta.

Mika 7:20

U me he ka ohwâdâ hnathu kö Jekob, ke ibetengiö kö Aberahama, waleji u je khemanyinâ ka lakamöhmun hwân hnyi je bong kâû adrem.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

Ioane 5:45

Ca ûnykûme öbun a oge me he ka hai öbun ka Kamök: e hu bi ke at ame he ka hai öbun wale Mose, at öbun e labageju kâu.

Ioane 7:19

Hawa, a ca ham köbun Mose hnanyibu, ke ba ke at gabun ame vheno hnanyibu? Ieû gabun öbun e elâm he ka hlingö nya?

Ioane 8:32

ke ame he ka khanʼ öbun hnathu, ke adre me he ka hnʼ öbun ge hnathu.

Ioane 9:29

E khanʼ ohmun a Khong ame fuc kö Mose, ke haba at e, me ca khanʼ ohmun e at ua.

Ta je huliwa 28:23

Ke adre me thu bong hobi kâu, me ödrin se hia adre me o kâu hnyi hnen hna laba; ke e ame khetâ hofuc, me ohnathoâ ködra dokhu dokhon Khong, me ûjongi ödra ga Iesu, ûnyi hnyi hnanyibu anyi Mose me ta je perofeta, hwân hnyi hnyomakatu ke ne o but sahac.

Ta je huliwa 7:38

Waleji at ae hnyi ûkhacakâu hnyi hnyebuba tha e me angela at ame fuc kâu hnyi bucen Sinai, me tha e me lakamöta: at ame kap hofucin möt he ka ham köta:

Roma 6:14

Ke ame ca he hulo ka musi öbun bi; anyin a ca öbun bi hmelen hnanyibu ke hmelen bi ibetengiö baû.

II. Korinito 1:20

Anyin a eja ke ne a ne habânâ ta je ûnyi ae ti se hia Khong, me ûnyi thibi gan bi, ka habe, eke: waleling me me ûnyi thibi minya gan Amen, mʼ adre me he ka ogânâ Khong ûnyi gahmun.

Galatia 3:17

Ke inya oge me ha, ka habe, haba ûhihinyköu hnen Khong hna ohmâ kâû adrem, ae ca khana hnanyibu he ka thang hmetu, waleji a foa haded me thote je huna hwaban ûhihinyköu, me me oûnyibâûâ hna ha bânâ.

Deuteronomi 33:4

Mose ame huna köta hnanyibu, A jekhon ûkhacaköu anyi Jekob.

Deuteronomi 4:44

Ke walang hnanyibu ame ip Mose hnyi hnyimakan lakon Isaraela:

Deuteronomi 5:1

KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Heberu 9:22

Ke wakhalet thiju ta je ûnyi adre me ca obosoâ ge dra hnyi hnanyibu, ke ba minya hna thang ut hulo e ka ca hingölö dra.