Ioane 1:15 - Iaai Bible 1901 (New Caledonia)

¹⁵ Haba Ioane ame ohnathoâ e, me hongot, ka habe, Walang at, waleji oge me ha gan, ka habe, Ame he hotuk at ke wale hnyi hnyimakök: anyin a bân, ka bilik bi.

Ioane 1:15 ပူးပေါင်းရင်းမြစ်များ

Ta je Vejec 8:22

Iehova ame tren inya, hnyi hwân deny je gethen, Ke tiga ba anyin huliwa kâû adrem.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Mareko 1:7

Ke e ame khetâ, me ha, ka habe, Ame he jem ke at a biliny ae man huk, e ca ûcû bi nya ka nom me thang hna hûkâlâ tangen li hnyeûcan.

Luka 3:16

me haba Ioane ame thu kodra hia thithö ka habe, Inya oge me bapataisoi öbun ge köiö; ke ame he ka o at ae nua maniny huk, iny ca ûcû bi he ka thang wen li tangen hnyeûcan: e ame he ka bapataisoi öbun ge Hanu Kap me meic:

Ioane 1:27

wale at ame biliny hotuk, iny ca ûcû he ka thang hna hûkâlâ taben li hnyeûcan.

Ioane 17:5

Ke walang ang, Cica lö, oganö nya thö tha inya möu ge hmanenangitu kâû adrem ke tiga hia bi hmeledrany.

Ioane 8:58

Haingö Iesu kodra, ka habe, E hnathu, e hnathu, inya oge me ha köbun, ka habe, Iny at kâû adrem, ke tiga hiö Aberahama.

Kolose 1:17

ke e a bân ke biliny bi ta je ûnyi hia thithö, ke ame tethmâ ta je ûnyi hia thithö ûnyi gan.

Heberu 13:8

Haba Iesu Keriso, me, ame ca wia bala, et, me hnyi bong ang, me nyiele balua.

Hna Omanenâ 1:11

Haba ta je ûnyi u je wâ, sihnalimen ju hnyi ke tusi, me kunâ ka ta je ekalesia: wale Efeso, me Semurina, me Peregamo, me Thuataira, me Saradi, me Filadelefia, me Laodikea.

Hna Omanenâ 2:8

Ke sihnalimen ju ka angela anyin ekalesia hnyi Semurina, ka habe, Walang je hofuc ame ha hnen at a bân ke a biliny, waleji a mokcu ke a möt hmetu thö.