Ioane 1:14 - Iaai Bible 1901 (New Caledonia)

¹⁴ Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:14 ပူးပေါင်းရင်းမြစ်များ

Salamo 2:7

Oge me he ka omanenâ hnanyibu: Haingö Iehova könya, ka habe, U thibi nokuk; Oge hnöku u hnyi bong ang.

Salamo 45:2

E nua hmonyin soâm hon lakon tavat; Adre hia but hingâlâ ibetengiö ka hnyi hnyimâm: Anyin a wale a hia but Khong ohnahici u nyiele balua.

Salamo 85:9

E hnathu o hakekeny ka tavat adre me outen e anyin ûhomeli; Me me he hmanenang ka labā ita hnyei.

Isaia 40:5

ke adre me he ka omanenâ hmanenangi Iehova, ke ame he ka tha wâ hnen tavat hia thithö: anyin a ha hnen hnyimö Iehova.

Isaia 53:2

Anyin a e ame kû tot hnyi hnyimakan helâ me bâtân, ke helâ me wân ûnyi hnyi kânâ ae atgec: e ba anyin hmanenang, ke ba meciny; ke ate me wâ e, me ba hmanenang gan mʼ ate me he ka weta.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Ezekiela 37:27

Me ame he ka laba unyidra umök uma mano; ke oge me he ka Khongudrin, kʼ adre me he ka lakeik.

Mataio 1:16

Jekob ame hnöku Josefa öiö Mana, momo ame hnöku Iesu, adre me hwenyi ien Keriso.

Luka 2:11

anyin adre hnokoâ hobi köbun hnyi bong ang hnyi taun anyi Davita, At ûhomeli, wale Keriso a Than.

Luka 2:7

Me e ame hnokoâ nokon da a atö; ke e ame wâdrâ e ge mano, me omokulec ju hnyi taben jeû an meno, anyin ae ba hnödrin hna mokut hnyi uma umen je atkanyaua.

Luka 9:32

Ke ame ti bemokut Peteru, mödru minya unyin: ke ödrin e hmak hmetu thö, me ödrin e wâ anyin hmanenang, me li at minya ödru me tha tot mē.

Ioane 1:1

HABA hnyi can, me waleji Logo, e unyin Khong Logo, haba Logo, me Khong.

Ioane 11:40

Iesu ame ha kâu, ka habe, Oge ca ha köu, ka habe, U je ne he ka labageju, me u me he ka wâ hmanenanginy Khong?

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 14:9

Iesu ame ha kâu, ka habe, E kuek ut unyibun, ke ca khanö u bala inya Filipo? haba at ame ö nya, me e ame wâ minya Kamen; ke a hawa, u me ha, ka habe, Omanenâ thö köhmun Kamen?

Ioane 17:22

Ke haba hmanenang u je hia but ham könya, oge hia but ham kodra; mʼ adre me he bi ka khaca thibi, helâ me ötu a ötu khaca thibi;

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

Ioane 2:11

Wale ûöman a ânyâ Iesu a bân hnyi Kana hnyi Galilaia, me omanenâ anyin hmanenang; haba laten ödrin e labageju kâu.

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Ioane 3:18

Adre me ca ohnaûhangoâ at ame labageju kâu: kʼ adre hia but ohnaûhangoâ walang ang at ame ca labageju, anyin a e ame ca hia but labageju ka ien Nokon Khong a khaca.

Ioane 6:51

Inya ang areto ae möt ame utut ûheny hnyi drany: a ne an dö ke at areto eang e ame he ka möt nyiele balua: eke, ke haba areto oge me he ka ham me wale unyik, hnân malen hmeledrany.

Ioane 8:32

ke ame he ka khanʼ öbun hnathu, ke adre me he ka hnʼ öbun ge hnathu.

Ta je huliwa 13:33

me a hia but ohwâdâ hnen. Khong ka lakuta hnyi hnen hna omeli Iesu hmetu thö; helâ me hna sihnalimen hnyi salamo a loiny, ka habe, U thibi Nokuk, oge me hnöku u hnyi bong ang.

Roma 8:3

Anyin a haba ûnyi ae pason ka hnanyibu, can ae sënyin ûnyi ge unyin, me haba Khong ame kunâ hing Nokon, helâ unyin ae kong, ke hnân hudiny hulo, me me ohnaûhangoâ hulo ûnyi hnyi unyin:

Roma 9:5

ödra je mâtrâniny ta je lakamöta, helâe minya Keriso hoton unyin, e nua hon ta je ûnyi hia thitliö, Khong adre haisoâ nyiele balua. Amen.

I. Korinito 15:47

Ûnyi eang hmeledrany at a bân, aten kânâ: ke ûheny hnyi drany at a loiny.

II. Korinito 12:9

Ke e ame ha könya, ka habe, E ûcû köu anyik ibetengiö baû: anyin adre obekhötâ manik man hnyi sēnyin. Anyin a wale oge me sēnyin gan hmâ he ka hobeluâ hnyi anyik je sënyin, me me tubi nya hnen man manin Keriso.

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Kolose 1:19

Anyin ae weny Kamen he ka hnen eû hnyi hnyin unöngöt hia thithö;

Kolose 2:3

at adre ikhâlâ unyin ta je omjeûiny hia metâ me wâ ûnykûme.

Kolose 2:9

kʼ ame laba eû hnyin at eling onyen Khong hia thithö hnyi unyin,

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 1:5

Anyin a ie ke angela e ame ha kâu, ka habe, U thibi Nokuk Oge me hnöku u hnyi bong ang? Wale hmetu ang, ka habe, Oge me he bi ka Kamen, Ke e ame he bi ka Nokuk?

Heberu 10:5

Anyin a wale, e ame ha hnyi ûen e ame o eang hmeledrany, ka habe, E ca wem bi hut adre me hlingâ me hut, Ke u je penapena unyin hobi könya;

Heberu 2:11

Anyin a haba at ame okabâ, mʼ ödra hia minya adre okabi ödra, me ûnyi ge at a khaca, anyin a wale, e ca hmehma he ka hai ödra, me liamekein,

Heberu 5:5

Waleling me ca hamen Keriso he ka ogânâ e me ka wia e me me at bihut ae nua, ke so bi hnen at eji ame ha kâu, ka habe, U thibi Nokuk Oge me hnöku u hnyi bong ang:

I. Ioane 4:14

Ke öhmun e hia but wâ me ohnatho, a ga kunâ Nokon hnen Kamen he ka omelö hmeledrany.

I. Ioane 4:9

Adre hia but omanenâ köta ibetengiö anyin Khong, waleji hnyi hnen Khong hna kunâ ka hnyi hmeledrany Nokon a khaca, mʼ ate me he ka möt ûnyi gan.

II. Ioane 1:7

Anyin ae se hia tavat iyawo eang hmeledrany, hnyat adre me ca hmehmelâ a ga o Iesu hnyi unyin. Haba at eling ame omono, ke iwahnaihmiony me Keriso.

Hna Omanenâ 19:13

Ke adre okhaûâ e ge ûkhaû adre osisidrâ ge dra: ke adre me ha ien, ka habe, Logo anyin Khong.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin: