Ioane 1:13 - Iaai Bible 1901 (New Caledonia)

¹³ ke adre me ca hnöku ödra ûnyi hnyi dra, ke ca ûnyi minya bi ge weny unyin, ke ca ûnyi ge weny at, ke ûnyi bi ge Khong.

Ioane 1:13 ပူးပေါင်းရင်းမြစ်များ

Genese 25:22

Ke ame ve hwiö lihûnye eû hnyi hnyekon; ke haingen, ka habe, Ieû ang a oge me helâng? Me e ame he but ka hnei Iehova.

Genese 25:28

Ke Isaaka ame betenge ga Esau, anyin a e ame han utiö gan: ke Rebeka ame betenge ga Jekob.

Genese 27:33

Ke Isaaka ame öbubuny gan hmâ but, me ha, ka habe, Ie at wale a hia but uö meno me oâ könya, ke oge hia but han ke tiga hiö u, me oge hia but hahnahicâ e? eke, kʼ ame he balua but e ka hnahic.

Genese 27:4

ke ânyâ thö hobi könya utiö ae bo so helâ me wek, me hom but könya, me oge me he ka han; me me he hanuk ka hahnahici u inye tiga ca mok.

Salamo 110:3

Haba lakem adre me he ka hudo me hnyekudra bi hnyi bonginy manâm man; Hnyi ta je hmanenang ae kap ûnyi hnyi tangen hnökuiny haolany, E bi unyâm dân hauiny ânyâm hidröu,

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

I. Korinito 3:6

Inya oge tā, kʼ ame bû ga Apolo; ke haba Khong ame okûâ.

Filipi 2:13

anyin a Khong ame huliwan je hnyekubun he ka weny me ânyâ, hoton weny ae so.

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

I. Peteru 1:23

anyin adre hnöku öbun hmetu ca ûnyi bi hnyi wan ame he ka bobot, ke so bi ge wan ame ca be ka bobot hnen hofuc hwan Khong ae möt me tethmâ nyiele balua.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

I. Peteru 2:2

beweny dʼöbun debai a cökiny hanu ae ba thoi hnyin, helâ me ta je mendring a teb o, mʼ öbun e he ka hûhûö thö gan ka hnyi möt;

I. Ioane 3:9

Ame ca ânyâ hulo at adre hnokoâ ûnyi ge Khong, anyin ame laba eû hnyi hnyekon wan gan; ke e ca khana he ka ânyâ hulo, anyin adre hnokoâ ûnyi ge Khong.

I. Ioane 4:7

Hnyat a oûnykûmik lö, e so ate me he ka ibetengiököu: anyin a ûnyi ge Khong ibetengiö; ke adre hnoko ûnyi ge Khong ödra hia adre me hnyi betenge, ke adre me wâhmakhmeto Khong.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.

I. Ioane 5:18

E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.

I. Ioane 5:4

Anyin ame hwege hon hmeledrany ûnyi a hnokoâ ge Khong: ke walang hwege ae hwege hon hmeledrany, wale anyita labageju.