Ioane 1:12 - Iaai Bible 1901 (New Caledonia)

¹² Ke haba tavat adre me kap e, wale hnyat adre me labageju ka hnyi ien, me e ame ham kodra man, me adre me lakon dut Khong:

Ioane 1:12 ပူးပေါင်းရင်းမြစ်များ

II. Samuela 7:24

Ke u je ohmâ em hnyei a at Isaraela hobi köu, hnân em hnyei nyiele balua; ke haba u Iehova, u je bi Khongudrin.

Isaia 56:5

Oge me he ka ham kodra hnyi umök uma me hnyi hnyin hna up hagik hak ke haten, me ien ae so, hon lakudra a wainda me wahlu; oge me he ka ham kodra ien ae tethmâ, wale adre me ca he bi ka subâ degecâ.

Jeremia 3:19

Ke oge me ba, ka habe, Oge me he ka kâmâu ka ip u unyin je lakon, me ham köu hnyei ae so, a jekhom ae so unyin je döiny ta je hnyei? ke oge me ha, ka habe, Öbun e he ka hao nya, ka habe, Cica; me ca he ka hwio hmetu gak.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Mataio 10:40

Haba at ame köp öbun, me ame köp nya minya, ke haba at ame köp nya, me ame kap at a kunö nya.

Mataio 12:21

Ke ame he Aten ta je Hnyei ka ge ju ka hnyi ien.

Mataio 18:5

Ke haba at ame he ka kap wanakat helâng hnyi iök, me ame köp nya minya:

Ioane 1:11

E ame o but ka hnyi hing hwajekhon, kʼ ame ca kap e hnen lakeiny.

Ioane 1:7

E ame o but hnân ohnathoâ, mʼ adre me he ka ohnathoâ melam, me me labageju tavat hia thithö ûnyi gan bi.

Ioane 11:52

ke ca hake hnân hnyei eling, ke so bi mʼ adre me ûkhacaköu lakon Khong adre vese, mʼ adre me khaca thibi.

Ioane 2:23

Tiga e bi hnyi Jerusalema hnyi bijeûiny paseka, ödra se hia adre me labageju ka hnyi ien, anyin adre me wâ ta je ûöman e ame ânyâ.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 3:18

Adre me ca ohnaûhangoâ at ame labageju kâu: kʼ adre hia but ohnaûhangoâ walang ang at ame ca labageju, anyin a e ame ca hia but labageju ka ien Nokon Khong a khaca.

Ta je huliwa 3:16

Ke haba at ang öbun e wâ, ke khanʼ öbun, me ame hwege bi ûnyi hnyi labageju ka hnyi ien, ke can ien bi: eke, adre me ham kâu hwege eang ae bekhöt hnyi hnyimaköbun hia hnen labageju a ûnyi gan.

Roma 8:14

Anyin a haba tavat ame su ödra Hanon Khong, me ödra thibi e je lakon Khong.

Roma 8:16

Haba Hanu ame ka tha ohnathoâ me je hanuta, a öta je lakon Khong:

Roma 8:19

Anyin a haba hmeledrany ame halubahingen me ti weny gan hmâ hna omanenâ lakon Khong.

Galatia 3:26

Anyin a je lakon Khong öbun hia a deny labageju kö Keriso Iesu.

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

Kolose 2:6

Anyin a wale, he bala ju öbun unyin Keriso Iesu a Than, helâ me hnobun hna kap e,

II. Peteru 1:4

ke can thibi e, e ame ham köta ta je hna ha bânâ ae ûnyi hnathu me gan hmâ hmonyin; mʼ öbun e he ka hnyi vheno hwakecin Khong, hnen e, öbun tavat kec ge hwakecin ae kong eang hmeledrany ûnyi ge weny Khong.

I. Ioane 3:1

WA bi ûganiny ibetengiö waleji a ham köta Kamen, mʼ adre me he ka haʼ öta me je lakon Khong: ke öta e. Waleling me me ca khanʼ öta hnen hmeledrany, anyin ae ca khanʼ ödra e bi.

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.

I. Ioane 3:23

Ke walang ang anyin hnanyibu, ka habe, hamöta he ka labageju ka hnyi ien Nokon a Iesu Keriso, me ibetengiököu, helâ me hnanyibu a ham köta.