Ioane 1:10 - Iaai Bible 1901 (New Caledonia)

¹⁰ A mwi but e eang hmeledrany, ke e at a op hmeledrany, ke a ca wâ e hnen hmeledrany,

Ioane 1:10 ပူးပေါင်းရင်းမြစ်များ

Genese 16:13

Haba momo ame hwenyi iö Iehova at ame fuc kâu, ka habe, U thibi Khong at ame wâ: anyin a haingen, ka habe, Hawa oge hap wâ ju ang at ame ö nya?

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 18:33

Ke a um dö ûhnenamö Iehova me Aberahama, me ame he but: ke Aberahama ame hmetu ka hnyi hnyaban.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Ioane 1:11

E ame o but ka hnyi hing hwajekhon, kʼ ame ca kap e hnen lakeiny.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 1:3

Adre me op ta je ûnyi hia thithö a deny e; ke ba ûnyi adre hia but op, a gʼ adre ca op gan.

Ioane 1:5

Ke ame umumelam melam hnyi lit; kʼ ame ca kap bi e hnen lit.

Ioane 17:25

Kamen ae wisa lö, e ca khana hmeledrany u, ke haba inya, me khanö nya u; ke haba hnyat ang, me khanʼ ödrin a u je kunö nya;

Ioane 5:17

Ke haingö Iesu kodra, ka habe, Ame huliwa Cica ke ne o but hnyi bong ang, ke oge me huliwa bi nya.

Ta je huliwa 14:17

Ke e bala bi anyin hna ohnatho, anyin a e ame mâdrâ so, wale ame ham köbun we ûnyi hnyi drany, me je ûen ae widrany, me osekunâ je hnyekubun ge jeû me senyin.

I. Korinito 1:21

Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ.

I. Korinito 2:8

wale ae ca khana hnen je than eang hmelen: anyin a ne khanʼ ödra, me adre me ne ca he ka osatauroâ Thaniny hmeledrany:

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

Kolose 1:16

anyin adre op ta je ûnyi hia thithö ûnyi gan, ta je ûnyi ethö hnyi drany me eang hmeledrany, ta je ûnyi ae manen, me ta je ûnyi ae ca manen, me ta je theron, me ta je dokhu, me ta je musi, me ta je man; adre hia but op ta je ûnyi hia thithö ûnyi gan, me hobi kâu;

Heberu 11:3

Ate me wâ hnen labageju a gʼ adre me ânyâ ta je ûnyi hia thithö hnen hofuc hwan Khong, me adre me ca op ta je ûnyi adre me wâ ûnyi hnyi ta je ûnyi ae manen.

I. Ioane 3:1

WA bi ûganiny ibetengiö waleji a ham köta Kamen, mʼ adre me he ka haʼ öta me je lakon Khong: ke öta e. Waleling me me ca khanʼ öta hnen hmeledrany, anyin ae ca khanʼ ödra e bi.