II. Timoteo 4:4 - Iaai Bible 1901 (New Caledonia)

⁴ ke adre me he ka wia ta je hnyikönyödra ûnyi hnyi hnathu, me saû but ka hnyi ta je vekhet.

II. Timoteo 4:4 ပူးပေါင်းရင်းမြစ်များ

Ta je Vejec 1:32

Anyin adre me he ka hlingʼ ödra hnen ihwiöiny tavat ae ba hnyekudra bi, Ke ame he ka hiʼ ödra hnen sot anyin tavat ae monu.

Isaia 30:10

tavat adre me ha ka tavat wâ, ka habe, Ca wâ ju; me ha ka ta je perofeta, ka habe, Ca omanenâ kohmun wisa, ha bi thö kohmun ûnyi ae menyik, perofeta thö tang iyawo:

Zakaria 7:11

Ke ödra höcö long, me behânâ bajebenyidra, kʼ adre me hlöng je hnyikönyödra, mʼ adre me ca long bi.

Mataio 13:15

Anyin ame khot ut hnyekon, tavat ang, Ke hmak je hnyikönyödra he ka long, Kʼ adre mook ge je emaködra; Wâ adre nye wâ ge je emaködra Me long ge je hnyikönyödra, Me wâ ûnykûme ge hnyekudra, Me hmetuhmetu but, Mʼ oge me he ka omeli ödra.

Ta je huliwa 7:57

Me adre me fuc hwege goranyai, me hlöng je hnyikönyödra, me tha utut kâu;

II. Thesalonika. 2:11

Ke can thibi e, Khong ame kunâ kodra he ka huliwan monu, mʼ adre me he ka kap thoi:

I. Timoteo 1:4

me ca he ka oûnyihnathoâ bi ta je vekhet, kʼ adre me ca aû bi ta je döiny tavat, wale ae ba obiny, kʼ ame okûâ iwatretra, kʼ ame ca okûâ huliwa ka Khong hnyi labageju.

I. Timoteo 4:7

e so u ma ca kap ta je vekhet ae monu anyin wasomaca. Ke u ma khenen he ka helâ me hwakecin Khong:

I. Timoteo 6:20

Timoteo lö, tuö wia ju ta je ûnyi adre me hna but köu, me ûsâkâûö me ta je hofuc ae bi gan, me ta je ivinö, wale adre me ha thoiâ, ka habe, bemetâ;

II. Timoteo 1:15

E khanö u a gʼ adre kec khoto nya ödra hia hnyi Asia; haba Fugelo me Humenaio unyidra.

Tito 1:14

me ca he bi ka kap ta je vekhet anyin at Juda, me ta je hna hûna hnen tavat adre hia but saû ûnyi hnyi hnathu.

Heberu 13:25

E so e unyibun hia thithö ibetengiö baû. Amen.

II. Peteru 1:16

Anyin a öhmun e ca hnu hoton ta je vekhet thoi anyin tavat ae metâ, waleji hnyi ûen öhmun e omanenâ köbun man me ioiny Tuhöta Iesu Keriso, ke öhmun e hnyi wâ anyin hmanenang.