II. Timoteo 3:2 - Iaai Bible 1901 (New Caledonia)

² Anyin ame he tavat ka hamödra hnyok kodra bi, me behnyekudra mone, me hobelöu, me bi gan, me fuc monu, me ca löng kamen me hinyen, me ca ole bi, me ca okabâ bi,

II. Timoteo 3:2 ပူးပေါင်းရင်းမြစ်များ

Salamo 10:3

Haba at ae kong ame ohobeluâ weny hnyekon, Kʼ ame hota degecâ hnen at ae behnyekon, me hmiö Iehova.

Salamo 49:6

Haba tavat adre me gejon tang mone gadra Me hobeluâ tang omjehedra ae gan hmâ;

Salamo 52:1

AT ae hwege lö, ieû gam u me ohobeluâ ûokonguny? E bala bi ibetengiö anyin Khong.

Ta je Vejec 6:17

Bi gan, me bohmen at ame thoi, Me li hnyam ame hingâlâ dra ae ba hnyikongon;

Isaia 10:15

Hawa, ame he gö ka ohobeluâ hon at ame nang e? ame he gili ka ogânâ e ka at ame obwebwelâ e? helâke hnen osö hna obwebwelâ at ame nang e, ke helâke hnen uci hna kap goranyai at a ca utö bi.

Daniela 11:36

Ke ame he than ka ânyâ hoton weny; ke e ame he ka ogânâ e bi, me ogöranyâ e bi hon ta je khong hia, me ha ta je ûnyi hnân outen ge Khongon ta je khong: ke e ame he ka sot ke ne o but ame hwâdâ but hmonyin; anyin adre me he ka ânyâ hna mou hnyok ka hnyin.

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Mataio 15:6

e ame ca he ka ogânâ kamen. Me öbun e ohavâ hofuc hwan Khong ge anyibun je hna ûne.

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

Luka 16:14

A long ut ta je ûnyi e ta je Faresaio, vat ae behnyekudra omjeû; me adre me hiâ e.

Luka 6:35

Ke betenge ju ge je iwahnaihmiony möbun, me mâdrâ thö so, me mē ham, ke ca ûnykûme bi; ke ame he ka gan hmâ hwaban köbun, ke öbun e he ka je lakon Beönua: anyin a e menyik kodra hia adre me ca ole bi, me tavat minya ae kong.

Ta je huliwa 5:36

Anyin a hnyi je bong ehac a o thö Theuda, me ha, a e at ae beönua; me ame ûhkacaköu kâu tavat ae se hia, helâ me foa haded; ke adre me hlingâ e; ke haba tavat hia adre long hoton me adre me vese but, me hiʼ ödra bi.

Roma 11:18

u ma ca bi gan bi ka ta je vheiny: ke u je ne bi gan, me ame ca möt iwân ûnyi gam, ke u bu u möt ûnyi ge iwân.

II. Korinito 5:15

ke e ame mok hobi kâu tavat hia, mʼ adre me ca he hmetu ka möt kodra bi tavat ae möt, ke so bi kâu at a mok me möt hmetu thö hobi kodra.

Filipi 2:21

Anyin a ödra hia adre me ka elâm anyidra bi ta je ûnyi, ke ca ta je ûnyi anyi Iesu Keriso.

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

II. Thesalonika. 2:4

wale at ame bi iwahnaihmiony, me ka hamen ogö-ranyâ e hon ta je ûnyi hia thithö adre me ha me Khong, me hna khudrung kâu; waleling me me laba hnyi uma umen Khong, me ka omanenâ e bi, ka habe, e Khong.

I. Timoteo 1:20

jia Humenaio, me Alesanedro a li lahanödra; waleji oge me hnʼ ödru kö Satana, mʼ adre me he ka nʼ ödru he ka ca fuc bi gan.

I. Timoteo 1:9

wale he ka wâhmakhmeto a gʼ adre ca otilâ hnanyibu hobi kâu at ae wisa, ke hobi kodra bi adre me hanyâûâ hnanyibu me ca ûling, me ca ot, kʼ adre ânyâ monu, ke kong hwakecidra, ke thothom baga, ödra tavat hlingâ lakamödra, ke tavat adre me hlingâ lahinyödra, ke tavat ûhlingö,

I. Timoteo 3:3

ca at ame beijem gânâ waina, ke at ame ca ûkûc; e so e menyik, me ca at bi ame iwatretra, ke ca at hnyokâ mone:

I. Timoteo 6:10

Haba hnyok ka mone, me wale iwân ta je monu hia thithö ae ve bongon: waleji ame hnu hoton hnen keihen mʼ adre me osaûʼ ödra but ûnyi hnyi labageju, ke adre me ka hamödra bi dâ fineci ödra bi hnen ta je vec ae se hia.

I. Timoteo 6:4

awe, e ame bi gan, ke ca khana bi ke ûnyi, ke e ame moko hna ivinö me iwatretra ge ta je hofuc, wale at ame okûâ ihunyinköu, me iwatretra, me ûjao, me ûnykûme monoâ,

II. Timoteo 3:4

tavat ûalecuo, me huliwa wathethot, me bemusö, adre me weny ûnyi hnân osenyinâ, ke ca wedra bi ka Khong;

Iakobo 2:8

Ke so bi öbun e ne löng hoton hnanyibu ae beönua, helâ me hna sihnalimen, ka habe, U me be ka betenge ge at ame laba hakekenyi u helâ me u bi, mʼ öbun e ânyâ ling so:

Iakobo 4:16

Ke walang ang öbun e senyinâ anyibun je hobelöu: e monu hia ta je senyin helâe.

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.

II. Peteru 2:10

ke nua bi tavat adre me hnu hoton weny unyin ae kong, me oûnyibâûâ musi. Tavat adre me ca ot, ke tavat hwege ânyâ wedra, adre me ca ot he ka haikongoâ ta je musi:

II. Peteru 2:12

Ke haba tavat ang, me helâ me ta je meno ae ba hnyekudra, kʼ adre hnöku ödra helâ me omeno hnân noc me hlingâ, adre me haikongoâ ta je ûnyi ae ca khanʼ ödra, ke adre me he ka hamödra hia hnyi hnödra hna ohia,

II. Peteru 2:18

Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

Juda 1:16

Ödra tavat ulit, me tavat fuc, adre me he hoton ta je wedra ae kong (ke ame fufuc je hnyimödra) kʼ adre me ogânâ at me me hu troban bi kodra.

Hna Omanenâ 13:1

KE e ame tot hon öny hnyi köiö. Ke inya oge me wâ meno ame o ûnyi hnyi köiö ae hu je faoiny a ten, ke je ban a seven, ke e hnyi hon je fao je korona a ten, ke je ien bi gan ka Khong, hon je ban.

Hna Omanenâ 16:11

ke adre me haikongoâ Khongon drany can anyidra ta je vec me hnödra je anyû; ke adre me ca ietra bi ta je hwakecidra.

Hna Omanenâ 16:21

Ke ame ta but ûnyi anyi drany ka hnyi hon tavat we wahma he gan hmâ, haba ihmakiny je owe, me helâ me khaca talan: kʼ ame haikongoâ Khong hnen tavat can mok eling a we wahma; anyin ae gan hmâ hmonyin mok e.

Hna Omanenâ 16:9

Me ame hlâ tavat hnen kahwa ae gan: me adre me haikongoâ ien Khong wale at ae hu man hon ta je mok e; ke adre me ca ietra bi me he ka ogânâ e.