II. Timoteo 1:3 - Iaai Bible 1901 (New Caledonia)

³ Inya oge me ole ka Khong, waleji oge me huliwa kâu hwân ge je lakibik hnyi oûnykûm sâ ae wisa, a oge me ca menâ ûnykûmi u hnyi hijik je hic hnyi lit me lany

II. Timoteo 1:3 ပူးပေါင်းရင်းမြစ်များ

Luka 2:37

ke e safac hnyi ta je huna a eite foa), e ame ca hnyi bia hnyin uma kap, kʼ ame bi athnyaba hnyi lit me lany, me ânyâ ca han, me labö khöû.

Ta je huliwa 22:3

Iny at Juda, adre hnöku nya hnyi Taraso hnyi Silikia, ke adre me hat nya hnyi taun ang, ke adre me nâ wisa könya hnanyibu anyin lakamöta hnyi ûca Gamaliela, ke oge me hnyok hwege ka Khong, helâ me öbun hnyi bong ang:

Ta je huliwa 23:1

HABA Paulo ame wâ hmâ ûhnenamö, me ha, ka habe, Hnyat me lakeiny lö, oge hia but laba me oûnykûmik ae so hia hnyi hnyimakan Khong ke ne o but hnyi bong ang.

Ta je huliwa 24:14

Ke wale bi ang hnok hna he ka haimemenâ köu, a inya oge me hmi ka Khongon lakamöhmun hoton deny adre me ha heretikon, ke oge me kap ta je ûnyi hia adre sihnalimen hnyi hnanyibu me je perofeta:

Ta je huliwa 24:16

Anyin a wale inya oge me hwege me me hu bala bi oûnykûmik ae so ka Khong me at.

Ta je huliwa 26:4

E khana at Juda hia hwakecik kʼ iny tiga wanakat, waleji ame hwân dö hnyi ik hnyei me Jerusalema;

Ta je huliwa 27:23

Anyin a mwi unyik eja hnyinghet angela anyin Khong wale at oge me bi athnyabainy, ke oge me huliwa kâu,

Roma 9:1

INYA oge me ha hnathu ûnyi hnyi Keriso, oge me ca thoi bi, ame ohnathu nya hnen anyik ûnykûm sah ûnyi hnyi Hanu Kap,

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

Galatia 1:14

ke oge me nua tot ehac hnyi hmi anyin at Juda hon tavat ae se hnyi anyik dö unyin aten ik hnyei, anyin e gan hmâ hnok hna kong hnyekunâ ta je hwakecin lakamök.

Efeso 1:16

me oge me ca menâ ole gabun, oge me bai öbun hnyi hijik je hic:

I. Thesalonika 3:10

öhmun e hic hwege hnyi lit me lany, mʼ öhmun e he ka wâ je hnyimaköbun, he ka obekhötâ ûnyi ae ca bekhöt bi hnyi anyibun labageju?

I. Timoteo 1:19

he ka kât labageju me oûnykûm ae so; waleji ame hna degecâ keihen adre öûâ but anyidra labageju:

I. Timoteo 1:5

Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:

I. Timoteo 5:5

Ke haba momo a hing safac kʼ ame hake laba, me ame geju ka Khong, me tethmâ hnyi hic me khöû hnyi lit me lany.

II. Timoteo 1:5

ke inya oge me ûnykûme minya labageju unyâm ae ba thoi hnyin; waleji a bân unyin kibâm somaca Lois, ke hinyâm a Eunike; ke oge me wâ ûnykûme a e minya bi unyâm.

II. Timoteo 3:15

ke e khanö u ta je hna sihnalimen ae kap, kʼ u tiga mendreng, wale ae khana he ka ometö u ka hnyi möt a deny labageju ka Keriso Iesu.

Heberu 13:8

Haba Iesu Keriso, me, ame ca wia bala, et, me hnyi bong ang, me nyiele balua.

I. Samuela 12:23

Ke haba inya bi, ö iny ca he ka monu kö Iehova, he ka degec hiji öbun: ke oge me he ka nʼ öbun ge gethen ae so me wisa.