II. Samuela 9:3 - Iaai Bible 1901 (New Caledonia)

³ Me ame ha than, ka habe, Hawa, e hu kolon biju lap anyi Saulo, mʼ inye he ka omanenâ ibetengiö anyin Khong kâu? Ke haba Ziba ame ha ka than, ka habe, Khaca biju nöku Jonathana, wale ae mat li can.

II. Samuela 9:3 ပူးပေါင်းရင်းမြစ်များ

II. Samuela 19:26

Me e ame thu, ka habe, Than lö a tuhok, a iyawö nya athnyabaik: anyin a oge me ha athnybaem, ka habe, Oge me he ka ip taben hon asina, me laba hon, me tha he me than, anyin ae mat can athnyabaem.

II. Samuela 19:27

Ke e ame bi fuco athnyabaem ka than a tuhok; ke helâ me angela anyin Khong than a tuhok: hamâm he ka ânyâ ûnyi ae so köu.

II. Samuela 4:4

Ke e hu ke nöku Jonathana nöku Saulo ae mat li can. Ke thabûng hunainy wale hnyi ûen ame o ûthumetu ka haiö Saulo me Jonathana ûnyi Jezerela, ka ame hijen e hnen momo ame tuö me kec ut: ke momo ame tiga kec logot, me e ame ta me omadrâ e. Haba ien bi, me Mefiboseth.

II. Samuela 9:13

Waleling me me laba Mefiboseth hnyi Jerusalema: anyin a e ame han bala hnyi laulau anyin than; ke e mat li can.

II. Samuela 9:7

Ke Davita ame ha kâu, ka habe, Ca ot, anyin oge me he ka betenge gam ga Jonathana a kâmâm, ke oge me he ka hna köu ta hnyei hia i Saulo a kibâm; ke u me he bala ka tha han mönya hnyi anyik laulau.

Luka 6:36

Ibetengiököu ju öbun, helâ me Kamöbun at ae betenge.

Deuteronomi 10:15

Ke so bi Iehova ame senyin ka lakâmâm me hnyok ködrin, me e ame ûca je mâtrânidrin hwabodrin, walʼ öbun e, ûnyi hnyi je hnyei hia, helâ me hnyi bong ang.

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;