II. Samuela 9:11 - Iaai Bible 1901 (New Caledonia)

¹¹ Me haba Ziba ame ha ka than, ka habe, Ame he athnyabaem ka ânyâ ûnyi hia wale tuhok a than ame hûna könya a athnyabaem. Ke haingen than, ka habe, Ame he bi Mefiboseth ka tha han mönya hnyi anyik laulau helâ me ke nokon than.

II. Samuela 9:11 ပူးပေါင်းရင်းမြစ်များ

II. Samuela 15:15

Me ame ha ka than ge lathnyabainy than, ka habe, Wâ bi ame he lathnyabaem ka ânyâ hia helâ me hna he than a tuhöhmun ka ha.

II. Samuela 19:17

Ke khaca thauzan tavat unyin a at Beniamina me Ziba athnyabainy lap anyi Saulo, tha e me lakon ta baga a fifitiny, me lathnyabainy a twente; ke ödrin e he hanyâûâ Joridano hnyi hnyimakan than.

II. Samuela 19:24

Ke haba Mefiboseth nöku Saulo ame utut he ka ûkhanö me than; ke a ca hneû li can, me ânyâwia wainy, me hneû anyin je ûkhaû, hwân hnyi bong ame he than ke ne o but e ame o hmetu me hnahic.

II. Samuela 19:26

Me e ame thu, ka habe, Than lö a tuhok, a iyawö nya athnyabaik: anyin a oge me ha athnybaem, ka habe, Oge me he ka ip taben hon asina, me laba hon, me tha he me than, anyin ae mat can athnyabaem.

II. Samuela 9:10

Ke hamâm me lakom me lathnyabaem he ka belökâ kânâ hnân hobi kâu; ke u me he ka hom jem jeûiny me me hu an nokon; tuhâm: ke ame he bala bi Mefiboseth nokon tuhâm ka tha han mönya hnyi anyik laulau. Ke ödrin fifitin je baga laku Ziba, ke twente je hnyat a bi athnyabainy.

II. Samuela 9:12

Ke hu nöku Mefiboseth ae ûhnyûkong, Mika ien. Ke haba je hnyat hia ödrin e laba hnyi hnyaba Ziba, me ödrin hia ödrin e bi athnyabai Mefiboseth.

II. Samuela 9:13

Waleling me me laba Mefiboseth hnyi Jerusalema: anyin a e ame han bala hnyi laulau anyin than; ke e mat li can.