II. Samuela 9:10 - Iaai Bible 1901 (New Caledonia)

¹⁰ Ke hamâm me lakom me lathnyabaem he ka belökâ kânâ hnân hobi kâu; ke u me he ka hom jem jeûiny me me hu an nokon; tuhâm: ke ame he bala bi Mefiboseth nokon tuhâm ka tha han mönya hnyi anyik laulau. Ke ödrin fifitin je baga laku Ziba, ke twente je hnyat a bi athnyabainy.

II. Samuela 9:10 ပူးပေါင်းရင်းမြစ်များ

II. Samuela 16:3

Ke than ame hnö, ka habe, Ke ewa nokon tuhâm? Haingö Ziba ka than, ka habe, e ame laba bi hnyi Jerusalema: anyin a haingen, Ame he lap anyi Isaraela ka ham könya hnyi bong ang dökhu dökhu cica.

II. Samuela 19:18

Ke ame he hanyâûâ ke galu, me me houden lap anyin than, me ânyâ anyin ta je huliwa. Ke Simei nöku Gera ame hanyâûâ Joridano me ta ju hnyi hnyimakan than.

II. Samuela 19:28

Anyin a helâ ke je komok ödrin hia hnyi lap anyi cica hnyi hnyimakan than a tuhok: ke so bi u je ip nya athnyabaem unyidrin tavat ödrin e han hnyi ânyâm lanlau. Ke hawa, iny ûcû hmetu he ka tenge ka than?

II. Samuela 21:7

Ke than ame omeli Mefiboseth, nöku Jonathana nöku Saulo, can hna khemanyin anyi Iehova a wanbödru, wale wanbö Davita me Jonathana nöku Saulo.

II. Samuela 9:7

Ke Davita ame ha kâu, ka habe, Ca ot, anyin oge me he ka betenge gam ga Jonathana a kâmâm, ke oge me he ka hna köu ta hnyei hia i Saulo a kibâm; ke u me he bala ka tha han mönya hnyi anyik laulau.

I. Je Than 2:7

Ke u me he ka betenge ge laku Bazilai at Gileada, ke ödrin e he ka hnyi han hnyi ânyâm laulau: anyin a helâe ödrin e he könya hnyi ûen oge me kec ga Abasoloma liamekeiny möu.

II. Je Than 25:29

Ke e ame ham kâu je ûkhaû a hwaban je ûkhaûen uma ceat, ke e ame hnyi han hnyi hnyimakan bala hnyi ta je bong hia bongon möt.

Jeremia 52:34

Ke haba jekhon, me adre me labö khene jekhon unyin than Babulona, hnyi ke bong me ke bong ke ne o but hnyi bong e ame mokcu hnyin, a je bongon hia anyin möt.

Luka 14:15

Ame long ta je hofuc e hnen ke at ame tha laba mē, me e ame ha kâu, ka habe, Hnahic hnen at ame he ka hnyi han hnyi dokhu dokhon Khong.