II. Samuela 8:3 - Iaai Bible 1901 (New Caledonia)

³ Ke Davita ame kot minya Hadadeza, nöku Rehoba, than Zoba, wale me me he ka hûgûnâ hmetu iny hnyei hnyi Wagewe.

II. Samuela 8:3 ပူးပေါင်းရင်းမြစ်များ

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

II. Samuela 10:15

Ke a wâ but at Suria a ga kuc ödra at Isaraela, me ödra adre me ûkhacaköu.

II. Samuela 10:16

Ke Hadadeza ame ûkhûnöng he ka hom at Suria ûnyi hnyi ke keihen Wagewe: ke ödrin e o but hnyi Helam, tha ödrin me Sobaka taben utbavat anyi Hadadeza hnyi hnyimaködrin.

II. Samuela 10:19

Ke a wâ but je than hia a lathnyabai Hadadeza a ga kuc ödrin dut at Isaraela, me ödrin e ûsoköu me at Isaraela, me bi athnyabaidrin. Me ame ot at Suria he ka hadruâ hmetu lakon Amona.

II. Samuela 10:6

Ke e ka khana but laku Amona a ödrin bon dut kö Davita, me haba je laku Amona ödrin e ham bak ka at Suria hnyi Bethe-rehob, me at Suria hnyi Zoba, ödrin twente thauzan tavat he hon kânâ, me than Maaka tha e me tavat a khaca thauzan, me tavat anyi Tob a twelv thauzan.

II. Samuela 23:36

me Igala nöku Nathana ûheny Zoba, me Bani at Gada;

I. Je Than 4:21

Ke haba Solomona ame muso je dökhu hia hwân hnyi Wagewe ke ne o but hnyi hnyei iny at Filisiti, ke ne o but hnyi hnyiguölen Aigupito: ke adre me ham bwihlany me huliwa kö Solomona hnyi bongon ta je bong hia thithö.

I. Man Ûlabainy Je Than. 18:3

Ke haba Davita ame kot tilö Hadadeza than Zoba ke ne o but Hamath, kʼ ame tiga he ka ohmâ anyin musi hnyi wagewe Euferate.

II. Man Ûlabainy Je Than. 8:3

Ke haba Solomona ame he Hamathe-zoba ai, me hom ûhnyûkongo.

Salamo 60:1

KHONG lö, u je hia but hna degeci ohmun, me thö hagutʼ ohmun; U je hia but hmönyâm; u na he ju ka otilʼ ohmun hmetu.

Salamo 72:8

E ame he ka musi minya ûnyi hnyi ke köiö ke ne o but ka hnyi ke köiö, Ke ûnyi hnyi Wagewe ke ne o but ka hnyi je can hmeledrany.

Esodo 23:31

Ke oge me he ka si hnyigöulâm hwân hnyi Köiö ae Dra ke ne o but ka hnyi köien at Filisiti, ke hwân hnyi hnyebuba ke ne o but hnyi Wagewe: anyin oge me he ka hna ka hnyi hnyamöbun tavat adre me labâ hnyei; kʼ u me he ka obʼ odra hnyi hnyimâkâm.

Deuteronomi 11:24

Ame he ka ibun je dok hia ame he ka uto ge je hnyeûcabun: hwân hnyi hnyebuba, me Lebanona, hwân hnyi wagewe, a wagewe Euferate, ke ne o but hnyi köiö e jio, me wale hnyigöulöbun.

I. Samuela 14:47

Ke hnyi ûen Saulo ame kap dökhu Isaraela, me e ame vat me je iwahnaihmiony mē hia igigilo, a at Moaba, me laku Amona, me at Edoma, me je thaniny Zoba, me at Filisiti: ke hwege hudrin hia e ame he ûcon.