II. Samuela 8:2 - Iaai Bible 1901 (New Caledonia)

² Ke e ame kot at Moaba, me tuluti ödra ge tulut tö, me omokuli ödra eû hnyi kânâ; ke e ame tuluto lo li gaö he ka hlingʼ ödrin, ke khaca gaö ae bekhot he ka omelö. Me ame hwân tavat Moaba he ka bi lakei Davita, kʼ ödrin e hom je bwihlany.

II. Samuela 8:2 ပူးပေါင်းရင်းမြစ်များ

II. Samuela 12:31

Ke e ame hom but tavat ûheny hnyi taun, me ip odrin hmelen je gili, me je fao ae ûdö, me je giwa fao, me odili ödrin hnyi hna leû veto kânâ: ke e ame ânyâ helâe ka je taun hia anyin lakon Amona. Ke Davita me tavat hia ödrin e hmetu Jerusalema ai.

II. Samuela 8:6

Ke haba Davita ame otilâ je lap tue hnyi Suria hnyi Damaseko: ke ame bi lakei Davita but at Suria, me adre me hom je bwihlany. Ke Iehova ame ham dökhu kö Davita hnyi je hnyei e ame he ka hnyin hia.

I. Je Than 4:21

Ke haba Solomona ame muso je dökhu hia hwân hnyi Wagewe ke ne o but hnyi hnyei iny at Filisiti, ke ne o but hnyi hnyiguölen Aigupito: ke adre me ham bwihlany me huliwa kö Solomona hnyi bongon ta je bong hia thithö.

II. Je Than 1:1

KE haba at Moaba ödrin e ûkhin fuc ka at Isaraela hwaban do a mokcu Ahaba.

II. Je Than 17:3

Ke ame o kâu vat ga Salemanesa than Asuria; ke haba Hosea ame bi athnyaba kâu, me ham kâu je bwihlany.

I. Man Ûlabainy Je Than. 18:2

Ke e ame kot Moaba; me lakei Davita but at Moaba, mʼ ödrin e fat.

II. Man Ûlabainy Je Than. 26:8

Ke haba at Amona ödrin e ham je bwihlany kö Uzia: me ame lung ut ien ke ne o but hnyi gethen ame dit ka hnyi Aigupito; anyin a e ame hwege tot gan hmâ.

Salamo 108:9

Moab anyik utkaia hnân soû; Oge me he ka khûâ hnyi Edoma taben hnyeûcak: Oge me he ka hongot goranyai hon Filisiti.

Salamo 18:45

Ame he je atkanyua ka aû tot, Me o ûnyi hnyi anyidrin je dok ae nuong me öbubuny.

Salamo 60:10

Khong lö, hawa, ca u thibi at ame hna degeci öhmun? Khong lö, u je ca tha he me anyihmun je utbavat.

Salamo 60:8

Moab anyik utkaia hnân soû; Oge me he ka khûâ hnyi Edoma tangen hnyeûcak: Filisiti lö, hongot dö goranyai can inya.

Salamo 83:6

Je uma mano umo Edoma, me at Isamaela; Me Moaba, me at Hagara;

Isaia 36:16

Ca he öbun ka ling Hezekia: anyin a walang hna ha hnen than Asuria, ka habe, Ûsoköu thö mönya, me he könya; ke öbun e he ka ve an wan anyibun vine me halebun je elaio, me ve ijem je an öbun e koû:

Numera 24:17

Oge me wâ e, ke ca walang ang: Oge me wâ e, ke ca hakekeny bi: Ame he ka o okhû ûheny unyi Jekob, Kʼ ame he ka kû haten musi ûheny unyi Isaraela, Kʼ ame he ka kot je ke keihen Moaba Me okongoâ je laku Setha.

I. Samuela 10:27

Ke ame ha ke je laku Belial, ka habe, Ame he ka kâmâu hna omeli otin at eji? Me ödrin e hûkötiâ e, ke ödrin e ca hom kâu je bwihlany. Ke e bi ame laba hnyibû.

I. Samuela 14:47

Ke hnyi ûen Saulo ame kap dökhu Isaraela, me e ame vat me je iwahnaihmiony mē hia igigilo, a at Moaba, me laku Amona, me at Edoma, me je thaniny Zoba, me at Filisiti: ke hwege hudrin hia e ame he ûcon.

I. Samuela 22:3

Ke Davita ame he ûheny e Mizepa ai hnyi Moaba: Ke e ame ha ka thaniny Moaba, ka habe, E na he ju cica me bai jem, ka laba unyibun, me inye wâ thö ûnyi ame he Khong ka ânyâ hobi könya.

I. Samuela 22:4

Ke e ame hum ödru ka than Moaba, ke ödru me tha laba mē hnyi ta je bong hia thithö ame laba Davita hnyi hnabâ.