II. Samuela 7:9 - Iaai Bible 1901 (New Caledonia)

⁹ ke oge me tha he möu waleji hnyi hnâm hna he ka hnyin, me subâ degecâ je iwahnaihmiony möu hnyi hnyimâkâm; ke oge me he ka olungâ iâm helâ me ien tavat ae gan eang hmelen.

II. Samuela 7:9 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

II. Samuela 22:1

KE Davita ame ha kö Iehova je hofuciny khumöng ang hnyi bong Iehova ame omelö e ûnyi hnyi hnyamen je iwahnaihmiony mē hia, me ûnyi hnyi hnyamö Saulo:

II. Samuela 22:30

Anyin a ûnyi gam oge me wadring hon deo vat: Ûnyi ge Khonguk oge me gâ hanyâûâ hna up haginy.

II. Samuela 22:43

Me oge me kot omomonu ödra helâ me sesâiny kânâ, Oge uti ödrin helâ me hmudrainy je gethen, me ulili ödra.

II. Samuela 23:1

KE walang je hofuc a biliny ho Davita, Haingö Davita nöku Jese, Ke ame ha at adre me ogöranyâ, At a hû hnen Khongu Jekob, Me at a ânyâ je khumöng ae hnebwia anyi Isaraela:

II. Samuela 5:10

Kʼ ame hwege tot Davita; anyin a e bi unyin Iehova Khongon sabaoth.

II. Samuela 8:13

Ke ame lung iö Davita hnyi ûen e ame hmetu ûheny hnyi hna kot at Suria hnyi Hnyigöulen bucen Salt, wale eitin thauzan tavat.

II. Samuela 8:14

Ke e ame otilâ je lap tue hnyi Edoma; hnyi Edoma hia e ame otilâ je lap tue, ke ame bi lathnyabai Davita but at Edoma hia. Ke Iehova ame ham dökhu kö Davita hnyi hnen hna he ka hnyin hia.

II. Samuela 8:6

Ke haba Davita ame otilâ je lap tue hnyi Suria hnyi Damaseko: ke ame bi lakei Davita but at Suria, me adre me hom je bwihlany. Ke Iehova ame ham dökhu kö Davita hnyi je hnyei e ame he ka hnyin hia.

I. Man Ûlabainy Je Than. 17:8

ke oge me laba unyâm hnyi je dok hia u je he ka hnyin, me subâ degecâ je iwahnaihmiony möu hnyi hnyimâkâm; ke oge me he ka ogânâ iâm helâ me ien tavat ae gan eang hmeledrany.

Salamo 21:6

Anyin a u me wia e me me ti hnahic nyiele balua: U je osenyinâ e ge senyin hnyi hnyimâkâm.

Salamo 89:23

Ke oge me he ka kot omomono hnyi hnyimakan ta je iwahnaihmiöny mē, Me kot tavat adre me hûkotiâ e.

Luka 1:52

E ame hagutâ je than ûnyi hnyi hon anyidra ta je theron, Me ogöranyâ tavat a ödra hnyikânâ.

Josua 6:27

Ke tha Iehova me Josua, me ame lung hnyi hnyei hia.

I. Samuela 18:14

Ke Davita ame ânyâ metâ hnyi ta je hwakecin; ke e bi Iehova unyin.

I. Samuela 18:30

Ke ame he but je thaniny at Filisiti: ke hwân hnyi ûen ödrin e he but, me Davita ame ânyâ metâ hon lathnyabai Saulo; me ame lung gan hmâ ien.

I. Samuela 2:8

E ame ogöranyâ at ae theduoc ûnyi hnyi sesâ, Me ogöranyâ at ae ba ta ûnyi hnyi hna digic thatûnyi, He ka tha olabʼ ödrin me je than, Me tabâ theron ae hmanenang: Anyin a e unyi Iehova je hmolominy hmeledrany, Ke e ame otilâ hmeledrany hon e.

I. Samuela 31:6

Me a tha mokcu Saulo me ta lakon a kun, me at ame hom tilâ je omjehen vat, me aten hia thithö hnyi bong eling.

I. Samuela 5:10

Me ödrin e ûkhûnöng me tang tangen Khong Ekerona ai. Ke ame o but tang tangen Khong hnyi Ekerona, me haba at Ekerona ödrin e kuku me ha, ka habe, Ödrin e hom kötin tang tangen Khongon at Isaraela, me me hlingʼ otin me itin hnyei.