II. Samuela 7:7 - Iaai Bible 1901 (New Caledonia)

⁷ Ke hnyi ta je hnyei hia waleji oge me tha he me lakon Isaraela hia ka hnyin, hawa, e hu ke ong hofuc oge me ha ka ke tribu Isaraela, waleji oge me hûna he ka han lakeik a at Isaraela, me ha, ka habe, Ieû gabun öbun e ca up umök uma arasi?

II. Samuela 7:7 ပူးပေါင်းရင်းမြစ်များ

II. Samuela 5:2

Ke haba ehac waleji a than kötin Saulo, me u thibi at ame lelö hââng me lelö hmetu jem at Isaraela: ke Iehova ame ha köu, ka habe, U ma he ka hān lakeik a Isaraela, ke u me be ka bi than hnyi Isaraela.

I. Man Ûlabainy Je Than. 11:2

Hnyi je ûen ehac ke tiga than bi Saulo u je lelö ehele me lelö jem at Isaraela: ke haba Iehova Khongom ame ha köu, ka habe, U at ame he ka han lakeik a Isaraela, ke u me he ka taben lakeik a Isaraela.

I. Man Ûlabainy Je Than. 17:6

Ke haba hnyi ta je dok hia waleji oge me tha he hnyin me at Isaraela hia, hawa, e hu hofuc oge me ha ka hnyat owisa Isaraela, a hnyat oge me kunâ he ka han lakeik, ka habe, Ieû gabun öbun e ca up umök uma arasi?

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Jeremia 23:4

Ke oge me he ka otilâ hudrin tavat tuö mamoe, he ka ha ö ʼdra: ke adre me ca he hmetu ka ot, me hlohlo, me hia, haingö Iehova.

Jeremia 3:15

ke oge me he ka ham köbun tavat tuö mamoe hoton hnyekuk bi, tavat adre me he ka ha öʼbun ge metâ me wâhmakhmeto.

Ezekiela 34:15

Inya oge me he ka han halek hnahat mamoe, kʼ oge me he ka omokuli ödra, haingen Than Iehova.

Ezekiela 34:2

Nokon at lö, perofeta thö ûcon tavat adre me tuö mamoe hnyi Isaraela, perefota thö, me ha kodra, wale ka tavat âdre me tuö memoe, ka habe, Walang hna ha hnen Than Iehova, ka habe, Ekölö ge tavat tuö mamoe hnyi Isaraela, wale tavat adre me ka ha ödra bi! hawa, ca hanymen bi tavat tuö mamoe he ka han hnahat mamoe?

Ezekiela 34:23

Ke oge me he ka otilâ hudra ke at tuö mamoe e khaca, me e ame he ka ba ödra, a athnyabaik Davita; ke hamen he ka ha ödra; ke e at tuö mamoe kodra.

Mika 5:4

Ke e ame he ka tot me han haleny hnahat hnyi man mani Iehova, me hmanenanginy iö Iehova a Khongon: kʼ adre me he ka laba hmâ; anyin a e ame he ka gan hmâ walang ang ke ne o but hnyi je can hmeledrany.

Mataio 2:6

Ke haba u Betheleema hnyei Juda, U ca ûhnyûkong ge je taben hnyi hnyei Juda: Anyin ame he ka o gam at musi, At ame he ka muso lakeik a at Isaraela.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 21:28

me hongot, ka habe, At Isaraela lö, ûhadruo: Wale bi ang at ame ûne ûö bi ûnyi me tavat, me hnanyibu, me dok ang: ke haba khaca, e ame hom but jem at Heleni ka hnyi uma kap, me okongoâ dok ang ae kap.

Deuteronomi 23:14

anyin a Iehova Khongom ame he hnyi wanben hnâm hna hunuma, he ka omeli u, me hna je iwahnaihmiony mou hnyi hnyimâkâm; anyin a wale ame he ka kap bi hnâm hna hunuma: me me ca he ka wâ unyâm ke ûnyi ae kong, me me hna degeci u.

I. Peteru 5:1

INYA oge me sihwegiâ wahingat unyibun, inya minya ang ke hingat, me at ohnatho je vec anyin Keriso, me at ame he ka hnyi hu hmanenang ame he ka manen: