II. Samuela 7:6 - Iaai Bible 1901 (New Caledonia)

⁶ Anyin oge me ca laba eiö hnyin uma hwân hnyi bong oge me hom jem hnyin lakon Isaraela ûheny Aigupito keneo but hnyi bong ang; ke oge me hia but laba hnyi uma mano ame ne uma menâ.

II. Samuela 7:6 ပူးပေါင်းရင်းမြစ်များ

II. Samuela 11:11

Haba Uria ame ha kö Davita, ka habe, Ame laba tang hnyi je uma menâ, me Isaraela, me Juda; ke Joab a, tuhok, me lathnyabainy tuhok, ödrin e hunuma hnyi hnyei; ke hawa oge me he ka he ka hnyi umök uma he ka han me ic me tha mokut me öiök? kia inya u, ke kia inya hanom, a oge me ca he ka ânyâ ûnyi eling.

I. Je Than 8:16

Hwân hnyi bong waleji oge me hom lakeik a at Isaraela ûheny Aigupito, me oge me ca ûca ke taun ûnyi hnyi je tribu hia anyin at Isaraela he ka op uma, mʼ adre me ip eling iök; ke oge me ûcö Davita he ka musi hon lakeik a Isaraela.

Ta je huliwa 7:44

E hu uma menâ a uma ohnatho unyin lakamöta hnyi hnyebuba, helâji me hna hûna kö Mose ame ha, ka habe, hamen he ka ânyâ hoton tulut e ame wâ.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Deuteronomi 23:14

anyin a Iehova Khongom ame he hnyi wanben hnâm hna hunuma, he ka omeli u, me hna je iwahnaihmiony mou hnyi hnyimâkâm; anyin a wale ame he ka kap bi hnâm hna hunuma: me me ca he ka wâ unyâm ke ûnyi ae kong, me me hna degeci u.

Josua 18:1

KE ame ûkhacaköu tavat a lakon Isaraela hia hnyi Silo, ke adre me otilâ eling uma mano a uma ûkhacaköu: ke ame ngâ but hnyei hnyi hnyimaködrin.

Hna Omanenâ 2:1

SIHNALIMEN ju ka angela anyin ekalesia hnyi Efeso, ka habe, Walang ta je ûnyi ame ha hnen at ame kât ta je okhû a seven hnyi hnyamen a metân, wale at ame he hnyi wanben je taben lamepa gol a seven:

Owisa 20:27

Ke haba lakon Isaraela ödrin e elâm unyi Iehova (anyin a eling tangen ûhihinyköu anyin Khong hnyi je bong eling,